पुणे : खरेदीसाठी झालेली गर्दी आणि गणेशोत्सवासाठीच्या जाहिरात कमानी उभारण्याची सुरू असलेल्या लगबगीमुळे शहराच्या मध्यवर्ती भागांत शनिवारी वाहतूक कोंडी झाली. दुपारच्या सुमारास झालेल्या कोंडीमुळे वाहनचालक त्रस्त झाले होते. .सुट्टीचा दिवस असल्याने शनिवारी खरेदीसाठी नागरिक मोठ्या संख्येने मध्यवर्ती भागांतील बाजारपेठेत येतात. पार्किंग नसलेल्या ठिकाणी, अरुंद व रहदारी असलेल्या रस्त्यांवरच वाहने उभी केल्याने शनिवारी दुपारी बारापासूनच वाहतूक कोंडी झाली होती. त्यातच गणेशोत्सवातील जाहिरातींच्या कमानी उभारण्याची लगबग सुरू झाल्याने बांबू, लोखंडी सापळे भरलेली वाहने मध्यवर्ती भागांतील रस्त्यांवर उभी होती. .या वाहनांमधून जाहिरात कमानी उभारण्यासाठी लागणारे बांबू, लोखंडी सापळे उतरविली जाऊ लागल्याने रस्ता आणखीनच अरुंद होऊन कोंडी झाली. मध्यवर्ती भागांतील छत्रपती शिवाजी महाराज रस्ता, बाजीराव रस्ता, लक्ष्मी रस्ता, टिळक रस्त्यासह कुमठेकर, केळकर रस्त्यांवरही वाहतूक ठप्प झाली होती..या वाहतूक कोंडीचा परिणाम कर्वे रस्ता, लालबहादूर शास्त्री रस्त्यासह अन्य रस्त्यांवरही झाला. अंतर्गत व प्रमुख रस्त्यांवरही वाहतूक संथगतीने सुरू होती. कोंडीमध्ये बराच वेळ गेल्याने वाहनचालक त्रस्त झाले होते. दरम्यान, वाहतूक पोलिसांकडून वाहतूक सुरळीत करण्यासाठी प्रयत्न सुरू होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
