पुणे : विद्यापीठात लवकरच ‘स्पोकन संस्कृत’ अभ्यासक्रम

पुणे : सावित्रीबाई फुले पुणे विद्यापीठात लवकरच स्पोकन संस्कृत हा अभ्यासक्रम सुरू करण्यात येणार आहे. संस्कृत विषयाची गोडी लागावी व त्यामध्ये संवाद वाढवा यासाठी विद्यापीठ संस्कृत विषयात लवकरच प्रमाणपत्र अभ्यासक्रम सुरु करणार आहे.

विद्यापीठ आणि श्री सद्गुरू ग्रुप यांच्यात यासंबंधीचा सामंजस्य करार करण्यात आला. यावेळी कुलगुरू प्रा.डॉ.नितीन करमळकर, प्र-कुलगुरू डॉ.एन.एस.उमराणी, नवोपक्रम, नवसंशोधन व साहचर्य विभागाच्या संचालिका डॉ. अपूर्वा पालकर, संस्कृत व प्राकृत विभागाचे प्रमुख प्रा.देवनाथ त्रिपाठी, व्यवस्थापन परिषद सदस्य राजेश पांडे, प्रसेनजीत फडणवीस, श्री सद्गुरू ग्रुपचे संस्थापक अध्यक्ष यशवंत कुलकर्णी आदी उपस्थित होते.

पुर्णवेळ अभ्यासक्रमात आपले काम सांभाळून प्रत्येकालाच संस्कृत विषयाचे शिक्षण घेणे शक्य होत नाही. म्हणून आपण हा प्रमाणपत्र अभ्यासक्रम सुरू करत आहोत. यामुळे संस्कृत विषयाची गोडी वाटून त्यात संवाद वाढेल.

- डॉ. नितीन करमळकर, कुलगुरू, सावित्रीबाई फुले पुणे विद्यापीठ

अभ्यासक्रमाविषयी माहीती

नाव - सर्टिफिकेट कोर्स इन स्पोकन संस्कृत

कालावधी- ३० तास

स्वरूप- ऑनलाईन/ऑफलाईन

विद्यार्थी क्षमता- ५०

अधिक माहिती- www.unipune.ac.in