पुणे शहरातील रेल्वे स्टेशन मास्तरांनी विविध मागण्यांसाठी केले आंदोलन

पुणे - कोरोनाच्या काळात आघाडीवर राहून रेल्वेत काम करणाऱ्या कर्मचारी व अधिकाऱ्यांना ५० लाख रुपयांचे विमा कवच द्यावे, रात्रपाळीची सीलिंग मर्यादा ४३ हजार ६०० रुपये करण्याचा आदेश रद्द करावा आदी मागण्यांसाठी शहरातील रेल्वे स्टेशन मास्तरांनी बुधवारी विभागीय रेल्वे प्रबंधक कार्यालय येथे धरणे आंदोलन केले. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

प्रलंबित मागण्यांसाठी देशातील स्टेशन मास्तर यांनी ७ ऑक्‍टोबरपासून विरोध सुरू केला आहे. ३१ ऑक्‍टोबरला देशभरातील स्टेशन मास्तरांनी एक दिवसाचे उपोषण करून विरोध दर्शविला. यावेळी विश्वजित कीर्तिकर, अमित कुमार, शकील इनामदार, अजय सिन्हा, अनिल तिवारी, दिनेश कांबळे, नरेंद्र ढवळे, प्रल्हाद कुमार यांच्यासह संघटनेचे पदाधिकारी उपस्थित होते. पुणे विभागात किमान ३६० स्टेशन मास्तर आहेत. 

'अशा निवडणुका जिंकता येत नाहीत'; फडणवीसांचा अजित पवारांना टोला

संघटनेचे राष्ट्रीय अध्यक्ष धनंजय चंद्राते म्हणाले, ‘‘रेल्वे प्रशासनाच्या निर्णयानुसार २९ सप्टेंबरपासून जे स्टेशन मास्तर अधिकारी व कर्मचारी रात्रपाळी करतील त्यांच्या भत्त्यात कपात करण्यात येणार असल्याचा निर्णय झाला आहे. आता ४३ हजार ६०० रुपये बेसिक सीलिंग मर्यादा ठेवल्याने त्यापेक्षा अधिक पगार असलेल्यांचा भत्ता कमी होणार आहे. त्याचप्रमाणे ८ मार्च १८ रोजी रेल्वेने आदेश काढून, अचानक एक जुलै २०१७  पासून ज्यांना संबंधित मर्यादापेक्षा अधिक भत्ता दिला गेला आहे, ते पैसे रेल्वेला परत करावेत, असा निर्णय घेतला. त्यामुळे बेसिक सीलिंग मर्यादा रद्द करण्यात यावी आणि पैशांचा परताव्याचा निर्णय मागे घेण्यात यावा, अशी आमची मागणी आहे.’’

'कितीही गुन्हे दाखल करा, आम्ही दबणारे नाही'; फडणवीसांचे महाविकास आघाडीला आव्हान

Edited By - Prashant Patil