शिक्षकांच्या मुलींकडून गुणांची रेकॉर्ड ब्रेक कमाई...

भोर (पुणे) : भोर येथील प्राथमिक शिक्षकांच्या मुलींनी दहावीच्या निकालातील आजपर्यंतचे सर्व रेकॉर्ड मोडीत काढून सर्वाधिक गुण मिळविण्याचा नवीन विक्रम केला असून, मुलींबरोबर पालक व शिक्षकही अभिनंदनास पात्र आहेत, असे मत गटविकास अधिकारी विशाल तनपुरे यांनी व्यक्त केले. 

खडकवासला प्रकल्पात निम्म्याहून कमी साठा

दहावीच्या परीक्षेत अवंतिका हरी महांगरे हिला ९९.४० टक्के, शिवाई सुनील गोरड हिला ९९ टक्के आणि इंग्रजी माध्यमात प्रांजल पंडीत गोळे हिला ९६ टक्के मार्कस् मिळाले. तालुक्याच्या आजपर्यंतच्या इतिहासात हे सर्वाधिक गुण आहेत. या तीनही मुलींचे पालक हे प्राथमिक शिक्षक आहेत. अंवतिका महांगरेचे हिचे वडिल हरी महांगरे हे तालुक्यातील रायरी येथे शिक्षक म्हणून कार्यरत असून, ती शहरातील छत्रपती शिवाजी विद्यालयाची विद्यार्थिनी आहे. शिवाई गोरड ही राजा रघुनाथराव विद्यालयाची विद्यार्थिनी आहे. तिची आई उषा सुनील गोरड या गोकवडी येथे शिक्षिका आहेत. तर, प्रांजल गोळे ही विद्या प्रतिष्ठानच्या भोर इंग्लिश मिडीयम स्कूलची विद्यार्थिनी असून, तिचे वडिल पंडित गोळे हे चिखलावडे येथे शिक्षक म्हणून कार्यरत आहेत.

बारामतीत कोरोनाचा बारावा बळी

पंचायत समिती शिक्षण विभाग, भोर तालुका शिक्षक संघटना आणि एमएससीआयटीचे अधिकृत केंद्र असलेल्या 'रोबोकॉब कॉम्प्युटर्स' या संस्थेमार्फत स्मृतिचिन्ह देऊन या विक्रम केलेल्या मुलींचा सत्कार करण्यात आला. पंचायत समिती कार्यालयात गटविकास अधिकारी विशाल तनपुरे, गटशिक्षणाधिकारी किसन भुजबळ, शिक्षक संघटनेचे अध्यक्ष सुदाम ओंबळे, रोबोकॉब कॉम्प्युटर्सचे संचालक प्रा. विजय जाधव, सहायक गटविकास अधिकारी कुलदीप भांगे, मिलिंद खोपडे आदीं मान्यवर या वेळी उपस्थित होते. 

पुण्याच्या आणखी बातम्या वाचण्यासाठी येथे क्लिक करा

उच्चशिक्षण घेऊन प्रशासकीय सेवेत जाण्याची इच्छा विद्यार्थिनींनी व्यक्त केली. तालुक्यातील सर्व माध्यमिक शाळांमधील प्रथम क्रमांक आलेल्या विद्यार्थ्यांना रोबोकॉब कॉम्प्युटर्समार्फत संगणक शिक्षणासाठी सहकार्य केले जाणार असल्याचे प्रा. विजय जाधव यांनी सांगितले.