आयटीआय अ‍ॅडमिशनला राज्यभरातून जोरदार प्रतिसाद; ९ दिवसात सव्वा लाखाच्या पुढे नोंदणी

पुणे : इयत्ता १०वी नंतर औद्योगिक प्रशिक्षण संस्थेत (आयटीआय) प्रवेश घेण्यासाठी विद्यार्थ्यांमध्ये उत्साह दिसून येत असून, ९ दिवसात सव्वा लाखापेक्षा जास्त विद्यार्थ्यांनी नोंदणी केली आहे. अर्ज करण्यासाठी १४ ऑगस्टपर्यंत मुदत देण्यात आली आहे. 

ताज्या बातम्यांसाठी डाऊनलोड करा ई-सकाळचे ऍप   
पुण्याच्या बातम्या वाचण्यासाठी येथे ► क्लिक करा

खासगी आणि शासकीय 'आयटीआय' प्रवेशासाठी १ ऑगस्टपासून अर्ज करण्याची प्रक्रिया सुरू झाली आहे. ही सर्व प्रवेशप्रक्रिया केंद्रीय पद्धतीने ऑनलाईनद्वारे होत आहे. व्यवसाय शिक्षण विभागाने आयटीआय प्रवेशाला मिळालेल्या प्रतिसादाची आकडेवारी जाहीर केली आहे. अर्ज करण्यासाठी आणखी पाच दिवसांचा कालावधी शिल्लक असल्याने अर्जाची संख्या आणखी वाढणार आहे, अशी माहिती व्यवसाय शिक्षण व प्रशिक्षण संचालनालयकडून देण्यात आली.

राज्यात शासकीय 'आयटीआय'ची संख्या ४१७ तर खासगी संस्थांची संख्या ५६९ आहे. या दोन्ही प्रकारच्या संस्थांमध्ये मिळून १ लाख ४५ हजार ६३२ प्रवेश क्षमता आहे. आतापर्यंत १ लाख २९ हजार ७४२ विद्यार्थ्यांनी प्रवेशासाठी नोंदणी केली आहे. त्यापैकी १ लाख ७ हजार २३ विद्यार्थ्यांनी ऑनलाईन अर्ज भरले आहेत. त्यातील ९३ हजार ५२० विद्यार्थ्यांनी अर्जाचे शुल्क भरून अर्जनिश्‍चिती केली आहे. तसेच ७५ हजार ८१ विद्यार्थ्यांनी पसंतीक्रमही भरला आहे. गतवर्षी आयटीआय प्रवेशासाठी सव्वा तीन लाख विद्यार्थ्यांनी अर्ज केले होते. त्यापैकी १ लाख १७ हजार विद्यार्थ्यांनी आयटीआयसाठी प्रवेश घेतला होता.  

कोरोनाग्रस्तांसाठी बनवलेल्या रुग्णालयाला आग; ०७ जणांचा मृत्यू

महत्वाच्या तारखा : आयटीआयचे वेळापत्रक
1. अर्ज करण्याची मुदत : १ ते १४ ऑगस्ट
2. प्राथमिक गुणवत्ता यादी : १६ ऑगस्ट
3. यादीवरील हरकती नोंदवणे : १६ ते १७ ऑगस्ट
4. अंतिम गुणवत्ता यादी : १८ ऑगस्ट
5. पहिली प्रवेश फेरी : २० ऑगस्ट 
 
तहसीलदार महिलेच्या पतीकडून जीवाला धोका असल्याची 'या' राष्ट्रवादीच्या आमदारांनी केली तक्रार