अमोल कोल्हे यांचा एकच फोन, कामाला लगेच सुरवात 

नारायणगाव (पुणे) : सार्वजनिक बांधकाम विभागाने जुन्नर तालुक्यातील ओतूर- ओझर- नारायणगाव रस्त्यावरील हिवरे खुर्द व कारखाना फाटा येथील रस्त्याचे खड्डे भरण्याच्या कामाला सुरुवात केली आहे. 

प्रत्येक बारामतीकराची आजपासून होणार तयारी

या रस्त्याच्या दुरवस्थेबाबत नागरिकांनी खासदार डॉ. अमोल कोल्हे यांच्याकडे तक्रार केली होती. त्यानंतर त्यांनी कार्यकारी अभियंता मिलिंद बारभाई यांच्याशी संपर्क साधून रस्ता दुरुस्त करण्याची सूचना केली होती. त्यानुसार आज सकाळपासून सार्वजनिक बांधकाम विभागाने रस्ता दुरुस्तीचे काम सुरू केले आहे.

न्यायालयात केवळ तत्काळ प्रकरणांवर सुनवाई

याबाबत खासदार डॉ. कोल्हे यांनी सांगितले की, नारायणगाव- ओतूर रस्त्यावरील हिवरे खुर्द, कारखाना फाटा या रस्त्याचे काम वन विभागाशी संबंधित असल्याने किलोमीटर ६१.२०० ते किलोमीटर ८१.७०० दरम्यानचे काम प्रलंबित आहे. तर, शेतकऱ्यांनी आक्षेप घेतल्याने किलोमीटर ७६.१०० ते किलोमीटर ६८.३०० दरम्यानच्या रस्त्याचे काम होऊ शकलेले नाही. रस्त्याची दुरवस्था झाल्याने नागरिक व प्रवाशी यांना त्रास सहन करावा लागत आहे. या प्रस्तावांवर निर्णय होईपर्यंत वेळ लागणार आहे. नागरिकांना वाहने चालवताना होणारा त्रास व खड्ड्यांमुळे अपघात होण्याची शक्यता लक्षात घेऊन तूर्त नागरिकांना दिलासा देण्यासाठी तातडीने खड्डे भरुन रस्ता दुरुस्त करण्याची सूचना सार्वजनिक बांधकाम विभागाला केली होती. या संदर्भात आपण लवकरच वनविभाग व शेतकऱ्यांशी चर्चा करुन प्रलंबित राहिलेले रस्त्याचे काम मार्गी लावण्याचा प्रयत्न करणार आहे.