पुणे : 'राष्ट्रीय चित्रपट दिना'निमित्त आज (23 सप्टेंबर) पुण्यात 75 रुपयात सिनेमा पाहण्याची संधी प्रेक्षकांना उपलब्ध करुन देण्यात आली आहे. या योजनेला चांगला प्रतिसाद मिळाला असून आज दिवसभरात अनेक शो राहिले हाऊसफुल्ल झाले आहेत, अशी माहिती सिटी प्राईडचे संचालक प्रकाश चाफळकर यांनी दिली. तसेच आज ज्यांना सिनेमा पाहता आला नाही त्यांच्यासाठी उद्या देखील सिनेमे पाहता येतील असंही त्यांनी जाहीर केलंय. (Rs 75 today Rs 100 tomorrow an opportunity for Pune residents to watch movies cheaply)
राष्ट्रीय चित्रपट दिनानिमित्त 75 रुपयात सिनेमा या योजनेला पुण्यातील चित्रपटगृहात आज चांगला प्रतिसाद मिळाला. मल्टिप्लेक्स असोसिएशन ऑफ इंडियाच्या (MAI) निर्णयानंतर आज चित्रपटगृहांमध्ये 75 रुपयांत चित्रपट पाहता येणार आहे, दिवसभरातील अनेक सिनेमांचे शो हाऊसफुल्ल झाले आहेत. पुण्यातील बहुतांश चित्रपटगृहातील सिनेमांचे शो हाऊसफुल झाल्याने थिएटर मालकांना दिलासा मिळाला आहे.
चाफळकर यांनी दिलेल्या माहितीनुसार,"आज दिवसभरातील सगळे शो हाऊसफुल आहेत. नागरिकांनी कालपासूनच अॅडव्हान्स बुकिंग केले होते. त्यामुळं आजपासून या योजनेला चांगला प्रतिसाद मिळतो आहे. सिटी प्राईडमध्ये दिवसभरात आज ४० शो आहेत. पण या योजनेला मिळणारा चांगला प्रतिसाद पाहता आज ज्यांना चित्रपट पाहणे शक्य झाले नाही त्यांच्यासाठी उद्या सिटी प्राइड चित्रपट गृहात काही शो १०० रुपये तिकीट दराने उपलब्ध असतील"
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
