पुणे - ऑनलाइन गुंतवणुकीवर भरघोस परतावा मिळवून देण्याचे आमिष दाखवत ३५ गुंतवणूकदारांची तब्बल आठ कोटी ५४ लाख रुपयांची फसवणूक केल्याचा धक्कादायक प्रकार उघडकीस आला आहे. या प्रकरणी मार्केट यार्ड पोलिस ठाण्यात गुन्हा दाखल करण्यात आला आहे..या प्रकरणी अंकुर धोका (रा. मार्केट यार्ड) यांनी तक्रार दिली आहे. त्यावरून फाल्कन ग्रुप आणि कॅपिटल प्रोटेक्शन फोर्स कंपनीचे व्यवस्थापकीय संचालक अमरदीप कुमार, अनिता कुमारी आणि संदीप कुमार यांच्यासह कंपनीच्या इतर पदाधिकाऱ्यांवर गुन्हा दाखल करण्यात आला आहे..वरिष्ठ पोलिस निरीक्षक मनीषा पाटील यांनी दिलेल्या माहितीनुसार, संबंधित कंपनीने ‘इनव्हॉइस डिस्काउंटिंग’ या ऑनलाइन प्लॅटफॉर्ममध्ये गुंतवणूक केल्यास भरघोस परतावा मिळेल, असे सांगून गुंतवणूकदारांना आकर्षित केले. ब्ल्यू चीप कंपन्यांना खेळते भांडवल म्हणून ही रक्कम वापरण्यात येईल, अशी ग्वाही दिली..आरोपींच्या बोलण्यावर विश्वास ठेवत तक्रारदारासह ३५ गुंतवणूकदारांनी कोट्यवधींची रक्कम गुंतवली. मात्र, ठरलेला परतावा वेळेत मिळाला नाही, तसेच कंपनीकडून कोणतीही ठोस माहिती न दिल्याने फसवणूक झाल्याचा संशय निर्माण झाला..यानंतर संबंधित गुंतवणूकदारांनी मार्केट यार्ड पोलिस ठाण्यात धाव घेतली. या प्रकरणाचा पुढील तपास वरिष्ठ निरीक्षक मनीषा पाटील करीत आहेत. दरम्यान, आर्थिक गुन्ह्यांमध्ये गुंतवणूकदारांनी सतर्क राहण्याचे आवाहन पोलिसांकडून करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
