शिपाई काकांनी दिला निराधार महिलांना मदतीचा हात

सहकारनगर (पुणे) : कोरोना महामारीच्या काळात सामाजिक बांधिलकी म्हणून बिबवेवाडी क्षेत्रीय कार्यालयातील चतुर्थ श्रेणी मधील शिपाई सचिन कोथमिरे काका यांनी मासिक वेतनातून गुलटेकडी येथील ङायसप्लाॅट झोपडपट्टी, ढोलेमळा, खिलारेवस्ती मधील निराधार गोरगरीब, विधवा, दुर्बल घटकातील वीस महिलांना घरखर्चासाठी प्रत्येकी पाचशे रुपये अशी दहा हजाराची आर्थिक मदत केली.

- '...अन्यथा सरकारला हस्तक्षेप करावा लागेल'; अजित पवारांनी कुणाला दिला इशारा?

याबाबत कोथमिरे काक म्हणाले, महापालिकेत शिपाई म्हणून काम करीत असताना गेले तीन महिने झाले कोरोनाच्या या महामारीमध्ये झोपडपट्टीतील गोरगरीब हातावरच्या पोट असणाऱ्या निराधार विधवा महिलांचे काम नसल्याने हाल होत आहे. सोसायटीमध्ये घरकाम करण्यासाठी बंधन येत आहे. म्हणून खऱ्या अर्थाने घरकाम करणाऱ्या महिलांच्या कुटुंबावर उपसमारीची वेळ येत होती. त्यामुळे सामाजिक बांधिलकी जपत 'फुल ना फुलाची पाकळी' म्हणून माझ्या वेतनातून झोपडपट्टीतील निराधार महिलांना मदत केली.

- पुण्याच्या बातम्या वाचण्यासाठी येथे ► क्लिक करा

लाॅकडाउनमुळे हातावरचे असलेल्यांचे सध्या खूप हाल होत आहेत. परंतु कोथमिरे काकांसारखे अनेक लोक सध्या दुर्बल घटकांच्या मदतीला धावून येत आहेत. त्यामुळे समाजात माणुसकी जपली जात आहे, याचे चित्र अनेक घटनांमधून दिसून येते. प्रत्येक जण आपापल्या परीने सामाजिक बांधिलकी जपत आहे. कोथमिरे काकांच्या कार्याचे त्यांच्या परिसरात कौतुक होत आहे.