Sakal Auto Expo 2024 : पुण्यात शनिवारपासून ‘सकाळ ऑटो एक्स्पो’चे आयोजन

पुणे - वाहन खरेदीचा निर्णय घेताना विविध पर्याय एकाच ठिकाणी उपलब्ध व्हावेत, यासाठी ‘सकाळ माध्यम समूहा’तर्फे दोन दिवस ‘सकाळ ऑटो एक्स्पो’चे आयोजन केले आहे. यामध्ये विविध वाहन उत्पादक कंपन्यांची नवी मॉडेल्स असतील. त्यामुळे ग्राहकांना मनपसंत वाहन खरेदी करता येईल.

कर्वेनगरमधील डीपी रस्त्यावरील पंडित फार्ममध्ये शनिवारी (ता. १५) आणि रविवारी (ता. १६) ऑटो एक्स्पो होणार आहे.

नवीन वाहन खरेदी करण्याचे ठरल्यानंतर आपल्या बजेटनुसार विविध कंपन्यांची वाहने आपण तपासतो. त्यासाठी अनेक कंपन्यांच्या शोरूमला भेटी देऊन माहिती घेताना होणारी धावपळ थांबविण्यासाठी ऑटो एक्स्पो आयोजित करण्यात आला आहे.

यामध्ये इलेक्ट्रिक व्हेईकलचेही अनेक पर्याय असतील. तसेच टेस्ट राईडचा आनंद सुद्धा अनुभवायला मिळेल आणि त्यामुळे वाहन खरेदी सोपी होईल. एक्स्पोत २०हून अधिक ब्रँडचे ६० पेक्षा अधिक मॉडेल उपलब्ध असतील.

बजेटनुसार वाहनांचे पर्याय

पेट्रोल, डिझेल, इलेक्ट्रिक कार आणि दुचाकीचे निरनिराळे पर्याय नागरिकांना एक्स्पोत उपलब्ध असतील. एकाच बजेटचे अनेक पर्याय उपलब्ध असल्याने नेमकी कोणती गाडी घ्यायची? याचा निर्णय घेणे ग्राहकांना सोईस्कर होणार आहे. या ठिकाणी विविध कंपन्यांच्या कार आणि दुचाकी, त्यांची वैशिष्ट्ये, किमती आदींची माहिती मिळणार आहे.

एक्स्पोविषयी...

• कधी : १५ आणि १६ जून २०२४

• कुठे : पंडित फार्म, डीपी रस्ता, कर्वेनगर

• केव्हा : सकाळी ११ ते रात्री ८

• स्टॉल बुकिंगसाठी संपर्क : ९३२५१०६६२६

• प्रवेश व पार्किंग मोफत