शेताजवळच उपलब्ध झाला बाजार पण...

नसरापूर (पुणे) : पुणे-सातारा महामार्गावर थाटलेल्या भाजीपाला बाजारामुळे शेतकऱ्यांना चांगला आधार मिळाला असून ग्राहकांना ताजी भाजी तर शेतकऱ्यांना शेताजवळच मार्केट उपलब्ध झाले आहे. 
पुणे-सातारा महामार्गावरील भोर तालुक्‍यातील शिवरे, वरवे, केळवडे, साळवडे, कांजळे, खोपी या गावामधील शेतकऱ्यांनी शेताला लागूनच असलेल्या महामार्गावरील सेवा रस्त्यावर विक्रीस सुरवात केली आहे. सेवा रस्त्यावर हा बाजार चांगला भरत आहे.

अजित पवार पुन्हा कडाडले, 'हलगर्जीपणा खपवून घेतला जाणार नाही'

शेतामधील ताजी काकडी, भेंडी, घेवडा, पालेभाज्या, वाटाणा, कांदे, कोथिंबीर आदी भाजीपाला थेट शेतकऱ्यांकडून मिळत असल्याने महामार्गावरील ग्राहक देखिल या ठिकाणी आवर्जून भाजी घेत आहेत. भाजीपाल्या बरोबर या भागातील सीताफळ, अंजीर, पेरू, केळी, डाळिंब ही फळे देखिल या ठिकाणी विक्रीसाठी उपलब्ध आहे. 

बर्थ डे स्पेशल...अमोल कोल्हे यांच्या गनिमीकाव्यापुढे विरोधक हतबल

या ठिकाणी थेट विक्री करता येत असल्याने शेतकऱ्यांना थेट फायदा होत आहे. लॉकडाउनच्या कालावधीत झालेला तोटा यामुळे भरून निघत आहे. 
- दीपक यादव, तरुण शेतकरी 

- ताज्या बातम्यांसाठी डाऊनलोड करा ई-सकाळचे ऍप

शेतातील उत्पादन मार्केटला नेण्यासाठी वाहतूक खर्च लागत नाही. मध्ये दलाल नाहीत. यामुळे शेतकरी या ठिकाणी विक्रीस पसंती देत आहेत व ग्राहकांना देखील चांगल्या दर्जाचा भाजीपाला मिळत आहे. 
- दत्तात्रय भोरडे, शेतकरी 

सुरक्षा महत्त्वाची 
महामार्गावर भाजीपाला विक्री करताना शेतकऱ्यांनी व ती घेताना प्रवासी ग्राहकांनी सुरक्षितता पाळणे गरजेचे आहे. खरेदी करण्यासाठी गाडी थांबविताना ती वाहतुकीस कोणताही अडथळा होणार नाही, तसेच अपघात होणार नाही, याची काळजी घेणे गरजेचे आहे. तसेच शेतकऱ्यांनी रस्त्यावरून ये-जा करताना भरधाव वाहनांकडे लक्ष देणे गरजेचे आहे. अन्यथा हा बाजार म्हणजे अपघातासाठी निमंत्रण देणारा ठरू शकतो.