Sharad Mohol Case:
शरद मोहोळ हत्या प्रकरणात सहभागी असल्याच्या कारणावरून गुन्हे शाखेच्या पोलिसांनी रविवारी मध्यरात्री मोठी कारवाई केली आहे. पोलिसांनी गुंड विठ्ठल महादेव शेलार व रामदास मारणे यांच्यासह १० जणांना ताब्यात घेतले. पनवेल ते वाशी या दरम्यान गुन्हे शाखेच्या पोलिसांनी ही कारवाई केली आहे. आज दुपारी ३ वाजता या सर्व आरोपींना पुणे सत्र न्यायालयात हजर करण्यात आले. शरद मोहोळ हत्या प्रकरणात आतापर्यंत २४ आरोपींना अटक करण्यात आली आहे.
गुंड विठ्ठल शेलार व रामदास उर्फ वाघ्या मारणेला कोर्टात हजर करण्यात आले. या दोघांविरोधात गंभीर गुन्हे दाखल आहेत. या प्रकरणात पोलीस अनेक सुत्रधारांचा तपास करत आहेत. शरद मोहोळ याच्या हत्येपूर्वी अटक करण्यात आलेल्या आरोपींची मिटींग झाली होती. त्यामुळे आणखी कोण साथीदार आहेत, याचा तपास पोलीस करत आहेत.
शरद मोहोळ हत्या प्रकरणात आणखी काही गोष्टी समोर येण्याची शक्यता आहे. कोर्टात सध्या काही सांगू शकत नाही. त्यामुळे चौकशीसाठी आरोपींची ७ दिवसाची कोठडी मिळावी, अशी मागणी पोलिसांनी केली आहे.
हत्या प्रकरणात दोन मुख्य सुत्रधार होते. यामध्ये एक विठ्ठल शेलार आणि त्याचा अजून एक साथिदार आहे. त्यामुळे पोलिसांनी कोठडीची मागणी केली होती. या वर सुनावणी करताना कोर्टाने शरद मोहोळ हत्या प्रकरणी विठ्ठल शेलार व रामदास उर्फ वाघ्या मारणे या दोघाला २० जानेवारीपर्यत पोलिस कोठडी दिली. (Latest Crime News)
आर्थिक वादातून शरद मोहोळ याची पुण्यात हत्या करण्यात आली होती. आता याप्रकरणी पोलीस कारवाई करत आहे. शरदची त्याच्याच टोळीतील सदस्यांनी गोळ्या झाडून हत्या केल्याचे पोलिसांनी सांगितले होते. याप्रकरणी एक व्हिडिओही समोर आला होता. पुण्यातील कोथरूडच्या सुतारदरा परिसरात एका टोळक्याने शरद मोहोळ यांच्यावर गोळीबार केला होता.
पनवेल शहर पोलिसांनी अटक केलेल्या संशयित आरोपींमध्ये रामदास नानासाहेब मारणे (वय ३६), मोहन मारुती पांगरे (वय ३६), विठ्ठल महादेव शेलार (वय ३६) पंकज सुखदेव पाटील (वय ३२), अमित तळाराम भाटी वय (वय २६) व राजेंद्र शिवाजी पारखे (वय ३०) या सहा जणांचा समावेश आहे. पुणे पोलिसांकडून या हत्येचा तपास सुरु असताना विठ्ठल शेलार, रामदास ऊर्फ वाघ्या मारणे यांचा शरद मोहोळच्या हत्येचा कट रचण्यात सहभाग असल्याचे आढळून आल्याने पुणे पोलिसांचे गुन्हे शाखेचे पथक त्यांच्या मागावर होते. (pune news)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
