शिवसेनेचे वाघ जमले भाजप प्रदेशाध्यक्षांच्या कर्यालयासमोर अन्...

patil.jpg
patil.jpg

पुणे : "आमचे अंगण.. आमचे रणांगण' या भाजपच्या आंदोलनाला एकेकाळच्या मित्रपक्ष असलेल्या शिवसेनेने शुक्रवारी करारा जबाब दिला. "तुमचं अंगण.. आमचं रणांगण' हे सांगत भाजपचे प्रदेशाध्यक्ष चंद्रकांत पाटील यांच्या पुण्यातील कोथरूड येथील कार्यालयाच्या समोर भगवे झेंडे घेऊन आंदोलन केले. त्यामुळे कमळाबाईंच्या दरात सेनेच्या वाघांनी थेट धडक मारल्याने शहरात हा चर्चेचा विषय झाला होता.

कोरोनाची परिस्थिती हाताळण्यात राज्य सरकारला अपयश आल्याचा आरोप करीत आज भाजपच्या वतीने आज राज्यभर आंदोलन केले. लॉकडाऊनमुळे घराच्या अंगणातून या आंदोलन करण्याच्या सूचना पक्षाकडून सूचना देण्यात आल्या होत्या. त्यासाठी "अंगण आमचे रणांगण' अशा घोषणा देत हे आंदोलन करण्यात आले.

पिंपरी चिंचवडच्या बातम्या वाचण्यासाठी येथे ► क्लिक करा

गप्प बसले, तर ते सैनिक कसले. भाजपच्या या आंदोलनाला शिवसेनेचे सहसंपर्कप्रमुख शाम देशपांडे यांच्यासह विश्‍वास चव्हाण, उमेश भेलके, युवराज शिंगाडे, अनिल माझिरे, अजय भुवड यांच्यासह थेट भाजपचे प्रदेशाध्यक्ष चंद्रकांत पाटील यांच्या संपर्क कार्यालयाचे अंगण गाठले. "तुमचं अंगण.. आमचं रणांगण' अशा घोषणा देत भगवा ध्वज पडकवित आंदोलन केले. भाजपच्या आंदोलनाला शिवसेनेच्या या वाघांनी प्रदेशाध्यक्षांच्या अंगणात जाऊन दिलेल्या प्रतिउत्तरामुळे शहरात हा चर्चेचा विषय झाला होता. 

शहरात अनेक ठिकाणी सेनेच्या वाघांनी रस्त्यावर उतरून भाजपच्या "महाराष्ट्र बचाव' आंदोलनाला "महाराष्ट्र द्रोही बीजेपी' आंदोलन करून चोख प्रत्युत्तर दिले. त्यामुळे सोशल मिडीयावर त्यावरून दोन्ही पक्षाच्या कार्यकर्त्यांमध्ये चांगलाच वाद रंगला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com