esakal | शरद पवारांवर माझा विश्वास, त्यांच्याकडे रिमोट नाही : संजय राऊत
sakal

बोलून बातमी शोधा

Sanjay Raut

हे सरकार पाचवर्ष टिकेल
हे सरकार पाचवर्ष टिकेल. उद्धव ठाकरे याचे नेतृत्व करत आहेत. तिन्ही पक्षांकडून यासाठी प्रयत्न केले जातील. शरद पवारांचे तिघांनाही मार्गदर्शन लाभत राहील. तिन्ही पक्षांना सरकार टिकवणे गरज आहे, असेही राऊत यांनी विश्वासाने म्हटले आहे.

शरद पवारांवर माझा विश्वास, त्यांच्याकडे रिमोट नाही : संजय राऊत

sakal_logo
By
सकाळ वृत्तसेवा

पुणे : शरद पवारांवर विश्वास ठेऊ नये असे काय झाले आहे मला पटवून सांगा. आपल्याच लोकांनी त्यांच्याबद्दल असे पसरवले आहे. माझा त्यांच्यावर विश्वास आहे. शरद पवार थेट राजकारण करणारे आहेत. शरद पवार पडद्यामागून काही करत नाही. त्यामुळे त्यांच्याकडे सत्तेचा रिमोट आहे, असे म्हणणे चुकीचे आहे, असे शिवसेना खासदार संजय राऊत यांनी आज सकाळशी बोलतांना स्पष्ट केले आहे.

ताज्या बातम्यांसाठी डाऊनलोड करा ई-सकाळचे ऍप

राज्यात शिवसेना-राष्ट्रवादी काँग्रेस आणि काँग्रेस या तीन पक्षांच्या महाविकासआघाडी सरकारचे हिरो ठरलेले शिवसेना खासदार संजय राऊत यांनी 'सकाळ' कार्यालयाला भेट दिली. यावेळी त्यांनी सत्तास्थापनेवेळी घडलेल्या घडामोडींबद्दल ते बोलत होते. 

आमची 40 दिवसांची मोहिम यशस्वी झाली : संजय राऊत

राऊत म्हणाले, ''देशाच्या राजकारणाची नस ओळखणारे नेते शरद पवार आहेत. त्यांच्या कामाची पद्धत मला आवडते. शेती, शिक्षण, सहकार याचा त्यांचा अभ्यास आहे. शिवसेना, काँग्रेस आणि राष्ट्रवादी हे तिन्ही पक्ष समान ताकदीचे आहेत. मग, तिन्ही पक्षांकडे रिमोट पाहिजे. तिन्ही पक्षाचे नेते एकदिलाने काम करत आहेत.'' 

नितीश कुमारही मोदी सरकारच्या निर्णयाविरोधात; 'या' कायद्यास नकार

हे सरकार पाचवर्ष टिकेल
हे सरकार पाचवर्ष टिकेल. उद्धव ठाकरे याचे नेतृत्व करत आहेत. तिन्ही पक्षांकडून यासाठी प्रयत्न केले जातील. शरद पवारांचे तिघांनाही मार्गदर्शन लाभत राहील. तिन्ही पक्षांना सरकार टिकवणे गरज आहे, असेही राऊत यांनी विश्वासाने म्हटले आहे.

राज ठाकरेंनी पलटी का मारली माहिती नाही
सरकारला बिनपैशाचा तमाशा म्हणणाऱ्या राज ठाकरे यांना मी सांगू इच्छितो, की हा पैशांचा तमाशा आहे. पैशांचा तमाशा रोखण्यासाठी आम्ही काँग्रेस-राष्ट्रवादी काँग्रससोबत गेलो. त्यांनी कशामुळे पलटी मारली हे मला माहिती नाही, असे राऊत यांनी म्हटले आहे.