तब्बल २१ दिवसांनी पुण्यातील `या` भागात सुरु होणार जीवनावश्‍यक वस्तूंची दुकानं

वाघोली (पुणे) : वाघोलीत 21 दिवसापासून बंद असलेली किराणा दुकान व भाजीपाला विक्री बुधवारपासून 10 ते 2 या वेळेत सुरू करण्याचा निर्णय आज ग्रामपंचायतीमध्ये घेण्यात आला. सकाळी दहापूर्वी व दुपारी दोन नंतर दुकान उघडी ठेवणाऱ्यांवर कारवाई करण्यात येणार आहे. दरम्यान, अन्य व्यवसायालाही परवानगी द्यावी अशी मागणी व्यापारी करत आहेत. 

पुणेकरांनो, सावधान ! 'या' भागात वावरतोय बिबट्या 

कोरोना परिस्थितीचा आढावा घेण्यासाठी व काही विषयांवर चर्चा करण्यासाठी बैठक आयोजित करण्यात आली होती. चार दिवसांपूर्वी उघडे ठेवणाऱ्या किराणा दुकानदार व भाजी पाला विक्रेत्यांवर कारवाई करण्याचे ग्रामपंचायतीमध्ये निश्‍चित करण्यात आले होते. मात्र काही दुकाने व भाजीपाला विक्री सुरू असूनही कारवाई न झाल्याने सदस्य संदीप सातव यांनी नाराजी व्यक्त केली. 

पुण्याच्या सुपर आजीबाईंना, कोरोनाला हरवले

यानंतर ठराविक वेळेत किराणा दुकाने व भाजीपाला विक्री सुरू करण्याबाबत चर्चा झाली. मात्र, वाघोली प्रतिबंधित क्षेत्र असल्याचा मुद्दा पुढे आला. जो पर्यंत प्रशासनाचा लेखी आदेश येत नाही तो पर्यंत कसे सुरू करणार असाही मुद्दा पुढे आला. जिल्हा परिषद सदस्य ज्ञानेश्वर कटके यांनी तहसीलदार सुनील कोळी यांच्याशी चर्चा केली. त्यांनी 10 ते 2 सुरू करण्यास हरकत नसल्याचे सांगितल्यानंतर सुरू करण्याचा निर्णय घेण्यात आला. 

पुण्यात बघता बघता येरवडा परिसर बनला कंटेन्मेंट झोन

याबाबत दुकानदारांना नियमावली देण्यात येणार आहे. त्याचे पालन त्यांना करावे लागणार आहे. या बैठकीसाठी जिल्हा परिषद सदस्य ज्ञानेश्वर कटके, माजी सदस्य रामदास दाभाडे, पंचायत समिती सदस्य सर्जेराव वाघमारे, पोलिस निरीक्षक प्रताप मानकर, शिवदास उबाळे संदीप सातव, अनिल सातव, महेंद्र भाडळे, समीर भाडळे, सुधीर भाडळे, मारुती गाडे, गणेश गोगावले, डॉ. वर्षा गायकवाड, ग्रामविकास अधिकारी महादेव चव्हाण, तलाठी लाखे, आव्हाळवाडी व केसनंदचे ग्रामसेवक आदी उपस्थित होते. 

पुण्याच्या इतर बातम्या वाचण्यासाठी येथे- क्लिक करा​

व्यापाऱ्यांमध्ये नाराजी 
वाघोली कोरोना मुक्त होत असून ग्रीन झोन कडे जात आहे. जे पाच रुग्ण आढळले ते मुख्य बाजार पेठे पासून किमान 1 किमीच्या पुढे वास्तव्यास आहेत. प्रतिबंधित क्षेत्र सुधारित आदेशानुसार अर्धा किलो मीटर पर्यंत सीमित करण्यात आले आहे. त्याचा कालावधीही संपत आला आहे. मात्र, तरी किराणा, भाजीपाला वगळता अन्य व्यवसाय खुले करण्यास परवानगी मिळत नसल्याने व्यापाऱ्यांनी नाराजी व्यक्त केली आहे. दुकानांचे भाडे, कर्मचाऱ्यांचे वेतन करायचे कसे असा प्रश्न ते उपस्थित करत आहेत. अन्य व्यवसायालाही शहराप्रमाणे परवानगी द्यावी अशी मागणी ते करीत आहेत. 

बाहेरून आलेल्यांनी माहिती द्यावी 

जे नागरिक बाहेरील जिल्हा व राज्यातून वाघोलीत आले आहेत. त्यांनी ग्रामपंचायत, प्राथमिक आरोग्य केंद्राला आल्या आल्या कळवावे असे आवाहन करण्यात आले आहे. ही माहिती कळविण्याची जबाबदारी सोसायटी चेअरमन, घर मालक, यांच्यावरही टाकण्यात आली आहे. जे माहिती लपवतील त्यांच्यावर कारवाई करण्याचे निश्‍चित करण्यात आले. वाघोलीत आता पर्यंत 300 नागरिक बाहेरील जिल्ह्यातून आले असून त्यांच्या हातावर होम क्वारंटाइनचा शिक्का मारण्यात आला असल्याची माहिती डॉ. वर्षा गायकवाड यांनी दिली. त्यांनी 14 दिवस होम क्वारंटाइन राहावे बाहेर पडू नये असे आवाहन त्यांनी केले. 

गट विकास अधिकारी, आरोग्य विभाग यांना वाघोलीतील प्रतिबंधित क्षेत्राबाबत अहवाल सादर करण्यास सांगितले आहे. त्यांचे अहवाल आल्यानंतर प्रतिबंधित क्षेत्राबाबत नवीन सुधारित आदेश काढण्यात येतील. त्यानंतर अन्य व्यवसाय सुरू करण्याबाबत निर्णय घेता येईल. 
-सुनील कोळी, तहसीलदार, हवेली.