श्रीराम पतसंस्थेचे अनुकरण तालुक्यातील इतर पतसंस्थांनी करावे : अतुल बेनके  

श्रीराम पतसंस्थेचे अनुकरण तालुक्यातील इतर पतसंस्थांनी करावे : अतुल बेनके  
Updated on

नारायणगाव : कोरोनाच्या पार्श्वभूमीवर आर्थिक अडचणीत असलेल्या ६ हजार २५० सभासदांना दिवाळीच्या निमित्ताने किराणा वाटप करण्याचा श्रीराम पतसंस्थेच्या संचालक मंडळाने घेतलेला निर्णय स्तुत्य आहे. यामुळे सभासदांची दिवाळी गोड होण्यास मदत होणार आहे. श्रीराम पतसंस्थेचे अनुकरण तालुक्यातील इतर पतसंस्थांनी करण्याची गरज आहे, असे मत आमदार अतुल बेनके यांनी व्यक्त केले.

श्रीराम पतसंस्थेच्या रघुकुल मंगल कार्यालयात आज दुपारी झालेल्या कार्यक्रमात आमदार बेनके यांच्या हस्ते किराणा वाटपाचा प्रारंभ करण्यात आला. कार्यक्रमाच्या अध्यक्षस्थानी पतसंस्थेचे अध्यक्ष तानाजी डेरे होते.

या वेळी श्रीराम पतसंस्थेचे उपाध्यक्ष सुनील श्रीवत, जेष्ठ संचालक अमित बेनके, शशिकांत वाजगे, अनिल थोरात, यल्लू लोखंडे, अनिल डेरे, ज्ञानेश्वर रासणे, विजय घोगरे, मुख्य कार्यकारी अधिकारी शाम आर्वीकर, सभासद रोहिदास वेठेकर, मुकेश वाजगे आदी उपस्थित होते.

- पुण्याच्या बातम्या वाचण्यासाठी येथे ► क्लिक करा

आमदार बेनके म्हणाले, ''सर्वसामान्य व्यक्तीला पतपुरवठा करता यावा या उद्देशाने माजी आमदार वल्लभ बेनके यांनी १९८८ साली श्रीराम पतसंस्थेची स्थापना केली. माजी आमदार बेनके यांनीच  सहकार बळकट करण्यासाठी तालुक्यात पतसंस्था स्थापना करण्यास चालना दिली. तालुक्यात १६८ पतसंस्था असून या पतसंस्थेत सुमारे आठशे कोटी रुपयांच्या ठेवी आहेत.

कोरोनाच्या पार्श्वभूमीवर कर्ज वसुलीवर परिणाम झाला आहे. सद्यस्थितीत तालुक्यात कोरोनाचा संसर्ग कमी झाला असला तरी दुसरी लाट येण्याची शक्यता असल्याने नागरिकांनी काळजी घ्यावी. असे अवाहन या वेळी बेनके यांनी केले. अध्यक्ष डेरे म्हणाले, आमदार बेनके यांनी केलेल्या सुचनेनुसार श्रीराम पतसंस्थेने सभासदांना दिवाळी निमित्ताने किराणा वाटप करण्याचा निर्णय घेतला. पतसंस्थेच्या जुन्नर व खेड तालुक्यात पाच शाखा असून पतसंस्थेकडे १२५ कोटी रुपयांच्या ठेवी आहेत. सभासदांना जवळच्या शाखा कार्यालयात १३ नोव्हेंबरपर्यंत किराणा वाटप करण्याची व्यवस्था करण्यात आली आहे. सुत्रसंचालन अरविंद लंबे यांनी केले तर आभार श्रीवत यांनी मानले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com