दौंड - पुणे-दानापूर एक्सप्रेसच्या एका डब्यात साप आढळल्याने ही एक्सप्रेस दौंड कॅार्ड लाइन रेल्वे स्थानकावर एक तास थांबविण्यात आली होती. प्रवाशांमध्ये घबराट पसरल्यानंतर डबा रिकामा करण्यात आला..पुणे जंक्शन स्थानकावरून दुपारी साडेतीन वाजता सुटणार्या पुणे - दानापूर एक्सप्रेस मधील एस - २ या आरक्षित प्रवासी डब्यात एक साप आढळला. प्रवाशांनी रेल्वे प्रशासनाला त्याची माहिती देताच दौंड कॅार्ड लाइन रेल्वे स्थानकावर एक्सप्रेस थांबवून ठेवण्यात आली. डब्याच्या एका अप्पर बर्थ मधील फटीत हा साप दडून बसला होता. मध्येच तो तोंड बाहेर काढत असल्याने संपूर्ण डब्यात घबराट पसरली होती..रेल्वे प्रशासनाने रेल्वे सुरक्षा दल आणि लोहमार्ग पोलिसांच्या साह्याने एस - २ डब्यातील प्रवाशांना अन्य डब्यांमध्ये स्थलांतरित केले. घबराट आणि गोंधळामुळे सुमारे एक तास एक्सप्रेस कॅार्ड लाइन स्थानकावर होती. परिणामी पुणे - दौंड - सोलापूर आणि पुणे - दौंड कॅार्ड लाइन - अहिल्यानगर दरम्यान धावणार्या प्रवासी गाड्यांना विलंब झाला..ज्या डब्यात साप आढळून आला तो डबा काष्टी ( जि. अहिल्यानगर) रेल्वे स्थानकावर वेगळा करून एक्सप्रेस पुढील प्रवासासठी रवाना होणार आहे. पुणे रेल्वेस्थानकावरून प्रस्थान करण्यापूर्वी पुणे - दानापूर एक्सप्रेससाठीच्या रेल्वे रेकची खरोखर देखभाल व दुरूस्ती झाली होती किंवा नाही, याची रेल्वे प्रशासन पडताळणी करीत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
