लोणी काळभोर (पुणे) : हडपसर येथील खासगी रुग्णालयात तीन दिवसांपूर्वी मृत्युमुखी पडलेल्या कदमवाकवस्ती येथील 70 वर्षीय कोरोनाबाधित महिलेच्या संपर्कात आलेल्या सोळा जणांची "कोरोना'ची "आय.सी.एम.आर' चाचणी निगेटिव्ह आली आहे.
या महिलेच्या संपर्कात आलेल्या आणखी पंचविसपैकी 23 जणांचे अहवाल निगेटिव्ह; तर दोन जणांचे अहवाल पॉझिटिव्ह आले होते. या महिलेच्या संपर्कात आलेल्या एकेचाळीसपैकी 39 जणांची कोरोना संबंधीची आय.सी.एम.आर चाचणी निगेटिव्ह आली आहे. त्यामुळे नागरिकांनी थोड्या प्रमाणात तरी सुटकेचा निःश्‍वास सोडला आहे.
हडपसर येथील खासगी रुग्णालयात उपचार चालू असताना कदमवाकवस्ती येथील 70 वर्षीय महिलेचा तीन दिवसांपूर्वी मृत्यू झाला होता. मृत्यूनंतर संबंधित महिलेची कोरोना चाचणी पॉझिटिव्ह आली होती. त्यामुळे आरोग्य विभागाने पहिल्या टप्प्यात पंचवीस; तर दुसऱ्या टप्प्यात 16 जणांची कोरोना संबंधीची आय.सी.एम.आर चाचणी केली होती.
याबाबत लोणी काळभोर येथील प्राथमिक आरोग्य केंद्राचे आरोग्य अधिकारी डॉ. जाधव म्हणाले, ""या महिलेच्या संपर्कात आलेल्या केवळ दोन जण कोरोना बाधित असल्याचे आढळून आले आहे. उर्वरित 39 जण निगेटिव्ह आले आहेत. कोरोना पॉझिटिव्ह आलेल्या दोन जणांना पुण्यातील शासकीय रुग्णालयात उपचारासाठी दाखल करण्यात आले आहे. निगेटिव्ह आलेल्या उर्वरित लोकांना घरीच क्वारंटाइन करण्यात आले आहे. त्यांच्यावर आरोग्य विभाग लक्ष ठेवून आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.