महिलेच्या गळ्यातील सुमारे पावणेतीन लाखांचे दागिने केले लंपास

महिलेच्या गळ्यातील सुमारे पावणेतीन लाखांचे दागिने केले लंपास

लोणी काळभोर (पुणे) : कुंजीरवाडी (ता. हवेली) येथील मंगल कार्यालयाच्या शेजारील शेतात गेलेल्या एका विवाहीत महिलेला धक्का मारुन एका चोरट्याने महिलेच्या गळ्यातील सुमारे पावणे तीन लाख रुपये किमतीचे सोन्याचे दागिने पळवून नेले. ही घटना सोमवारी (ता. २३ ) संध्याकाळी साडेनऊच्या सुमारास घडली. 

संध्याराणी सतीश सोनवणे (वय ४५, रा. लोणंद ता. खंडाळा, जि. सातारा) हे महिलेचे नाव आहे सोनवणे या सोमवारी कुंजीरवाडी येथे नातेवाईकांच्या विवाहनिमित्त आल्या होत्या. याप्रकरणी लोणी काळभोर पोलिसांनी एका अज्ञाताच्या विरोधात चोरीचा गुन्हा दाखल केला आहे. 

लोणी काळभोर पोलिसांनी दिलेल्या माहितीनुसार, संध्याराणी सोनवणे या नातेवाईकाच्या लग्नासाठी कुंजीरवाडी येथील एका खाजगी मंगल कार्यालयात आल्या होत्या. लग्न उरकल्यानंतर, रात्री साडेनऊच्या  सुमारास संध्याराणी व त्यांच्या दोन मैत्रीनी मंगलकार्यालयाच्या शेजारील शेतात गेल्या होत्या. संध्याराणी यांच्या मैत्रीनी कल्पना जगताप, संजीवनी सपकाळ दोघी पुढे चालत होत्या. तर वरील दोघींच्या मागे अंदाजे पाच फूट अंतराने संध्याराणी सोनवणे चालत होत्या.

चोराचे वय अंदाजे २५ ते ३० वर्षे, अंगाने सडपातळ, अंगात काळ्या रंगाचा शर्ट घातलेला चोरट्याने संध्याराणी सोनवणे यांना धक्का दिला व गळ्यामधील सोन्याचे दागिने हिसकावले. संध्याराणी ही बाब समजण्याच्या आतच सदर इसम अंधाराचा फायदा घेत मंगलकार्यालयापासून शेतात पळून गेला. 

दरम्यान ही बाब संध्याराणी यांच्या नातेवाईकांना समजताच, संध्याराणी व त्यांच्या नातेवाईकांनी सदर इसमाचा शोध घेण्याचा प्रयत्न केला. मात्र सदर इसम पळून जाण्यात यशस्वी ठरला. पुढील तपास सहाय्यक पोलिस निरीक्षक संदीप कांबळे करीत आहेत.

(संपादन : सागर डी. शेलार)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com