केडगाव स्टेशन येथील सहा बंद सदनिका चोरट्यांनी फोडल्या, पण...

केडगाव स्टेशन येथील सहा बंद सदनिका चोरट्यांनी फोडल्या, पण...

केडगाव ः केडगाव स्टेशन (ता. दौंड) येथील जवाहरलाल विद्यालयाशेजारील सहा बंद सदनिका चोरट्यांनी काल रात्री फोडल्या. मात्र या सदनिकांमधून चोरट्यांना फारसे काही हाती लागले नाही. माहितगार व्यक्तिंनी माहिती दिल्यानंतर ही चोरी झाल्याचे सांगण्यात येत आहे. सर्व सदनिकांच्या दरवाज्याच्या कडी व कोयंडे कट करून चोरट्यांनी घरात प्रवेश मिळविला आहे.

केडगावात बंद सदनिका फोडण्याचे प्रमाण वाढल्याने नागरिकांमध्ये काळजीचे वातावरण आहे. काल रात्री वेदश्री ए विंग मधील एलआयसीचे विकास अधिकारी किरण लाटकर यांच्या बंद घरातील तीन कपाटे चोरट्यांनी उचकटली. चोरकप्प्यांचे कुलुप सहज तोडले आहे. या घरातून चोरट्यांनी २० हजार रूपये लंपास केले.

या इमारतीतील दीपक भुजबळ ( मूळ गाव न्हावरा ) यांच्या सदनिकेमध्ये चोरट्यांनी प्रवेश केला मात्र त्यांना तेथे काही हाती लागले नाही. वेदश्री बी विंगमध्ये जिल्हा परिषद शिक्षक विकास दिवेकर यांच्या बंद सदनिकेचा दरवाजाची कडी कोयंडे सहज तोडून तेथील कपाटातील उचकापाचक केली मात्र तेथे त्यांना काही हाती लागले नाही. याच इमारतीतील लवांडे यांच्या सदनिकेमधील कपाटातील साहित्य विस्कटून फेकून दिले आहे.
लगतच असलेल्या गिरीजा शंकर सोसायटीमध्ये चोरट्यांनी शिवसेनेचे कार्यकर्ते राजेंद्र मासाळ यांच्या सदनिकेचा दरवाजा  तोडण्याचा प्रयत्न केला.

तर जिल्हा परिषद शिक्षक दिलीप खवळे यांच्या घराचा दरवाजा तोडत असताना शेजा-याने आवाज दिल्याने चोरटे पळून गेले. केडगाव येथील नोटरी अॅड. मानसिंग शितोळे यांची बंद सदनिका चोरट्यांनी भरदुपारी फोडून घरातील ११ तोळे सोने लंपास केले. या चोरीचा अद्याप तपास लागलेला नाही. चोरी झालेल्या एकाही ठिकाणी सीसीटिव्ही कॅमेरा नसल्याने चोटटयांचे फावले आहे.

(संपादन : सागर डी. शेलार)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com