पुणे : दुकानामध्ये चोरी केल्यानंतर बहुतांश चोरटे रोख रक्कम अन् किंमती वस्तू चोरुन नेण्यास प्राधान्य देतात. मात्र, कर्वेनगर येथे झालेल्या किराणा मालाच्या दुकानाच्या चोरीमध्ये चोरट्यांनी दीड लाखाची रक्कम तर चोरीलीच, त्याशिवाय दुकानातील खजूर आणि डिओ स्प्रेदेखील चोरुन नेले.
सुरेशकुमार डांगी (वय 38) यांचे कर्वेनगर येथील आदित्य टेरेस नावाच्या इमारतीच्या पहिल्या मजल्यावर न्यू बालाजी किराणा एजन्सी नावाचे दुकान आहे. नेहमीप्रमाणे ते शनिवारी (ता.20) रात्री दुकानाला कुलुप लावून घरी गेले. त्यानंतर ते रविवारी (ता.21) सकाळी साडे आठ वाजता ते पुन्हा दुकान उघडण्यासाठी गेले. तेव्हा त्यांना चोरट्यांनी दुकानाचे शटर उचकटून चोरी केल्याचे निदर्शनास आले.
चोरट्यांनी त्यांच्या दुकानाच्या गल्यातील एक लाख 60 हजार रूपयांची रक्कम, खजुराची पाकिटे आणि डिओ बॉडी स्प्रेच्या बाटल्या असा 1 लाख 62 हजार रुपयांचा माल चोरुन नेला. या घटनेनंतर डांगी यांनी वारजे पोलिस ठाण्यात याविषयी फिर्याद दिली.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.