सीसीटीव्ही बंद असल्याने चोरट्यांनी वडगाव येथील दुकाने फोडली

सीसीटीव्ही बंद असल्याने चोरट्यांनी वडगाव येथील दुकाने फोडली

वडगाव निंबाळकर ः  बाजारपेठेतील प्रमुख दुकानदारांनी सुरक्षेसाठी सीसीटीव्ही लावा अशा सूचना पोलिसांनी दिल्या होत्या. याकडे दुर्लक्ष करणे वडगाव निंबाळकर (ता. बारामती) येथील दुकानदारांना तोट्याचे ठरले. रात्रीत दोन सख्ख्या भावांची दुकान फोडली येथून सुमारे दीड लाख रुपये ऐवज चोरून नेला दोन्ही ठिकाणचे सीसीटीव्ही बंद होते.

रविवार (ता. १८) पहाटे दोनच्या सुमारास येथिल बाजार पेठेतील संतोष जवाहरलाल शहा यांच्या किराणा दुकानाचे कुलुप तोडून दुकानात प्रवेश करत गल्ल्यातील रोख रक्कम चोरून नेली.

जवळील सुधीर जवाहरलाल शहा यांच्या धान्य दुकानाचे कुलुप तोडुन रोख रक्कम चोरली. दोन्ही दुकानातील सुमारे दीड लाख रुपये चोरीला गेल्याचा दावा करण्यात आला आहे. येथील सीसीटीव्ही अनेक दिवसांपासून बंद होते. राजेंद्र पवार यांच्या घराचे कुलूप तोडले दरवाजा आतून बंद असल्याने उघडता आला नाही. आतून आवाज दिल्याने चोरटे निघून गेली पुणे जिल्हा मध्यवर्ती बँकेच्या जवळून जात असताना येथील सुरक्षारक्षकाने अज्ञात सहा इसम दोन दुचाकी घेऊन संशयीतरित्या जात असताना दिसून आले. तात्काळ पोलिसांशी संपर्क साधून संशयित व्यक्तींची माहिती सांगितली पोलीस पोचण्यापूर्वी चोरटे पळून गेले. 

मंगळवार (ता. 13 रोजी) रात्री धर्मेंद्र पवार यांच्या बंद घराचे कुलुप तोडून सुमारे १५ हजार रूपयांचा ऐवज चोरून नेला होता. पांढरी भागातील बंद घराचे कुलूप तोडले होते यामध्ये काहीच नसल्याने चोरट्यांचा हा प्रयत्न फसला.

रमाई माता नगर परिसरात बाहेर झोपलेल्या महिलेच्या गळ्यातील डाग काढण्याचा प्रयत्न अज्ञात चोरट्यांनी केला होता गेल्या आठ दिवसात चोरटायांनी या परिसरात धुमाकूळ घातला आहे. 

यापूर्वी व्यापाऱ्यांची बैठक घेऊन पोलिसांनी सीसीटीव्ही कॅमेरे आपल्या दुकानासमोर बसविण्याच्या सूचना व्यवसायिकांना दिल्या होत्या चोरीचा प्रकार घडला यावेळी येथील सीसीटीव्ही बंद होते परिणामी चोरटे लक्षात आले नाहीत.

- पुण्याच्या बातम्या वाचण्यासाठी येथे ► क्लिक करा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com