Coronavirus : किरकटवाडीत आणखी तिघांना कोरोनाची लागण; रुग्णांची संख्या पोहोचली...!
किरकटवाडी : पानशेत परिसरातील मृत व्यक्तीची पत्नी आणि मेहुण्याच्या संपर्कात आलेल्या किरकटवाडीतील तिघांचे रिपोर्ट कोरोना पॉझिटिव्ह आले आहेत, अशी माहिती हवेली तालुका आरोग्य अधिकारी सचिन खरात व हवेली गटविकास अधिकारी प्रशांत शिर्के यांनी दिली.
पानशेत परिसरातील ३८ वर्षीय युवकाचा दोन दिवसांपूर्वी मृत्यू झाला. दरम्यान, त्याची पत्नी आणि मेव्हण्याला कोरोनाची लागण झाल्याचे समोर आले होते. तसेच त्यांच्या संपर्कातील नऊ जणांचे नमुने तपासणीसाठी पाठवण्यात आले होते. त्यांपैकी चार जणांचे रिपोर्ट आले असून एक निगेटिव्ह आणि तीन जण पॉझिटिव्ह आले आहेत, तर उर्वरीत पाच जणांचे रिपोर्ट येणे बाकी आहेत.
दरम्यान, जिल्हा परिषदेचे मुख्य कार्यकारी अधिकारी आयुष प्रसाद, जिल्हा आरोग्य अधिकारी भगवान पवार यांच्या सह पोलिस अधिकाऱ्यांनी खडकवासला-पानशेत परिसराला भेट देऊन ग्रामस्थांना खबरदारीच्या सूचना दिल्या. तसेच स्थानिक अधिकाऱ्यांना तातडीने उपाययोजना करण्याचे आदेश दिले आहेत.
दरम्यान, पुण्यात कोरोनाच्या चार रुग्णांचा बुधवारी बळी गेला असून, मृतांमध्ये ३४ वर्षीय पुरुषाचा समावेश आहे. त्यामुळे शहरातील एकूण मृतांची संख्या ३८ झाली आहे. बुधवारी दिवसभरात नवीन ५८ रुग्ण सापडल्याने कोरोनाग्रस्तांची एकूण संख्या ३८० पर्यंत गेली आहे.
शिवाजीनगरमधील ३४ वर्षांच्या पुरुषाला कोरोना झाल्याने त्याला १४ एप्रिलला रुग्णालयांत दाखल करण्यात आले होते. त्यानंतर बुधवारी त्याचा मृत्यू झाला. त्याला अन्य आजार असल्याचेही निदान झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.