लोणी काळभोर (पुणे) : मुबंईहून हवापालट करण्यासाठी हवेली तालुक्यातील लोणी काळभोर येथील राहिंजवस्ती परिसरात चार दिवसांपूर्वी आलेले जावई, त्यांची पत्नी व अडीच वर्षे वयाचा मुलगा, असे तीन जण कोरोनाबाधित असल्याचे मंगळवारी (ता. १४) सकाळी आढळून आले आहेत, अशी माहिती लोणी काळभोर प्राथमिक आरोग्य केंद्राचे आरोग्य अधिकारी डॉ. डि. जे. जाधव यांनी दिली.
मुबंईहून एक तीस वर्षीय तरुण चार दिवसांपूर्वी पत्नी व आपल्या अडीच वर्षीच्या मुलासह लोणी काळभोर येथील सासुरवाडीत हवापालट करण्यासाठी आले होते. त्यांनी मुबंईमधून बाहेर पडण्यासाठी लागणाऱ्या पोलिस पाससाठी लोणी काळभोर हा पर्याय निवडला होता. मात्र, लोणी काळभोर हद्दीत मागिल काही दिवसांपासून कंटेन्मेंट झोन लागू असल्याने पोलिसाकडून त्यांचा पास रिजेक्ट झाला होता. यावर उपाय म्हणून त्याने लोणी काळभोरऐवजी सोरतापवाडीला जायचे, यावर क्लिक केले व पोलिसांनीही त्वरीत पास मंजूर झाला. मात्र, हीच गोष्ठ सोरतापवाडीकरांना भारी पडली आहे. एकाच दिवसात तीन कोरोना पॉझिटीव्ह आढळुन आल्याने प्रशासनाने सोरतापवाडी हद्दीत कंटेन्मेट झोन लागू करण्याच्या हालचाली सुरू केल्या आहेत.
याबाबत सोरतापवाडीचे सरपंच सुदर्शन चौधरी यांनी सांगितले की, मुबंईहून हवापालट करण्यासाठी चार दिवसांपूर्वी लोणी काळभोर येथे आलेल्या या तीन जणांनी केवळ पास मिळावा, यासाठी सोरतापवाडीचे नाव वापरले आहे. मुबंईहून आल्यापासून तीन जणांपैकी कोणीही सोरतापवाडी हद्दीत आलेले नाही. केवळ त्यांनी सोरतापवाडी पत्ता दाखवला. त्यावरून कंटेन्मेट झोन लागू करणे, ही बाब नागरिकांवर अन्याय करणारी आहे. सोरतापवाडी ग्रामपंचायत हद्दीत कंटेन्मेट झोन लागू करू नये, यासाठी हवेलीचे तहसीलदार, उपविभागीय अधिकारी यांच्याशी पत्रव्यवहार करण्यात आला आहे.
Edited by : Nilesh Shende
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.