गिर्यारोहण दिन विशेष : आफ्रिकेच्या किलीमांजारोवर तिरंगा फडकला

पुणे - शून्याच्या खाली तापमान, जोरात वाहणारे वारे, अतिशय प्रतिकूल वातावरण आणि बर्फवृष्टी, अशा परिस्थितीमध्ये भारत-टांझानिया या देशातील एअर-बबल फ्लाइटच्या माध्यमातून कोरोनाकाळात प्रथमच आफ्रिकेतील किलीमांजारो शिखरावर देशाचा तिरंगा फडकला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

सावित्रीबाई फुले पुणे विद्यापीठात भौतिकशास्त्र विषयातून पीएचडी करणाऱ्या ३४ वर्षीय आनंद बनसोडे आणि आयुष खरे या गिर्यारोहकांनी अनोख्या मोहिमेतून युवकांना गिर्यारोहणाबाबत उर्जात्मक संदेश दिला आहे. कोरोनामुळे गिर्यारोहण आणि ॲडव्हेंचर प्रकारांनाही बंदी घातली होती. मात्र, सध्या काही देशांमध्ये गिर्यारोहणाला प्रशासनामार्फत परवानगी दिली आहे. परंतु संसर्गाच्या भीतीमुळे गिर्यारोहणाला नागरिकांकडून प्रतिसाद मिळत नसल्याने देश आणि आंतरराष्ट्रीय स्तरावर गिर्यारोहण व पर्यटनाला पुन्हा चालना मिळावी हा या मोहिमेचा मुख्य उद्देश असल्याचे आनंदने सांगितले. 

रेशन दुकानांमध्ये तांदळाचा तुटवडा, डाळीही गायब

भारतातून नोव्हेंबरमध्ये टांझानिया देशासाठी एअर बबल फ्लाइटची सुरुवात केली होती. त्यामुळे आंतरराष्ट्रीय मोहीम राबविण्याची संधी मिळाली. किलीमांजारो या शिखराची उंची सुमारे १९ हजार फूट असून, १ ते ५ डिसेंबर दरम्यान ही मोहीम पूर्ण केली
- आयुष खरे, गिर्यारोहक

गळफास घेतलेला मृत्यूदेह आढळला; पण पोलिसांनी नोंद केली आकस्मात मृत्यूची

विद्यार्थी आणि नागरिकांसाठी ‘स्पेस टुरिझम’ राबविण्याचा प्रयत्न करत आहोत. यासाठी सध्या रशियाच्या अवकाश संस्थेच्या मदतीने लोकांना प्रशिक्षण देण्याचा प्रयत्न केला जाईल.
- आनंद बनसोडे, गिर्यारोहक

Edited By - Prashant Patil