वसेवाडीतील ११ विद्यार्थी गुणवत्ता यादीत चमकले

सणसवाडी, ता.९ : येथील वसेवाडी (ता.शिरूर) जिल्हा परिषद शाळेतील ११ विद्यार्थी इयत्ता पाचवी शिष्यवृत्ती परीक्षेत जिल्हा गुणवत्ता यादीत चमकल्याची माहिती मुख्याध्यापक संतोष गोसावी यांनी दिली.
यशस्वी विद्यार्थी आणि त्यांचे गुण कंसात पुढील प्रमाणे : तुषार अण्णा ढेकळे (२४८), अथर्व हरिदास देवकाते (२४६), विश्वजित किरण जाधव व विनिता लखन रैकवार (दोघांनाही २४२), संकेत संजीव धुमाळ (२३८), आदिती सेवागिरी रणपिसे (२१२), गणेश नवनाथ हरगुडे (२३६), किरण नेताजी सूर्यवंशी (२३४), प्रथमेश जीवन मोरे (२२२), प्रदीप गणपत राठोड (२२६) व आदित्य अनिल गावडे (२१२).
यशस्वी सर्व विद्यार्थ्यांना सुरेखा गायकवाड, संगीता कुसाळकर, सुजाता भुजबळ व कैलास सुरकुले यांनी मार्गदर्शन केले. सर्व यशस्वी विद्यार्थी व त्यांच्या मार्गदर्शक शिक्षकांचे विशेष अभिनंदन सरपंच सुनीता दरेकर, उपसरपंच सागर दरेकर व सर्व ग्रामपंचायत सदस्य तसेच गावातील सर्व आजी-माजी पदाधिकाऱ्यांनी केले.