फार्मसी क्षेत्राला उच्चांकावर न्या | Sakal
sakal

बोलून बातमी शोधा

फार्मसी क्षेत्राला उच्चांकावर न्या
फार्मसी क्षेत्राला उच्चांकावर न्या

फार्मसी क्षेत्राला उच्चांकावर न्या

sakal_logo
By

सासवड शहर, ता. १३ : ‘‘औषधे देताना रुग्णाचे समुपदेशन योग्य पद्धतीने करा. पैशाबरोबर औषधांच्या गुणवत्तेला महत्त्व द्या. गुणवत्तेत कोणती ही तडजोड न करता संशोधनावर भर द्या. फार्मसी क्षेत्राला उच्चांकावर न्या,’’ असे आवाहन पूना कॉलेज ऑफ फार्मसीचे प्रमुख वक्ते प्राचार्य डॉ. आत्माराम पवार केले.
सासवड (ता. पुरंदर) येथे पुणे जिल्हा शिक्षण मंडळाचे शेठ गोविंद रघुनाथ साबळे औषधनिर्माण शास्त्र पदवी व पदविका महाविद्यालय आणि पुरंदर तालुका केमिस्ट अँड ड्रगिस्ट असोसिएशनच्या वतीने फार्मसी महाविद्यालयात दोन दिवसीय रजिस्टर फार्मासिस्ट कार्यशाळेचे आयोजन केले होते. त्यावेळी ते बोलत होते. या कार्यक्रमाच्या अध्यक्षस्थानी जिल्हा शिक्षण मंडळाचे सहसचिव एल. एम. पवार हे होते.
प्रथम सत्रामध्ये वेस्ट झोन महाराष्ट्र केमिस्ट ड्रगिस्ट असोसिएशनचे जॉइंट सेक्रेटरी दत्तप्रसाद टोपे, पुणे जिल्हा केमिस्ट ड्रगिस्ट असोसिएशन माजी उपाध्यक्ष भरत मोकाशी, देव सेल्स अँड प्रायव्हेट लिमिटेड संचालक नितीन देव, केमिस्ट ड्रगिस्ट असोसिएशन ऑर्गनायझेशन सेक्रेटरी राहुल देशपांडे, पुणे जिल्हा केमिस्ट असोसिएशनचे उपाध्यक्ष बाळासाहेब भिंताडे, उपाध्यक्ष नंदकुमार जगताप, पुरंदर केमिस्ट असोसिएशनचे अध्यक्ष संतोष जगदाळे आदी उपस्थित होते. दुसऱ्या दिवशीच्या प्रथम सत्रामध्ये लेखक व व्याख्याते दत्ता कोहीनकर यांनी मनःशक्ती आणि तणाव नियोजन यावर, महाराष्ट्र राज्य औषध परिषदेचे अध्यक्ष विजय पाटील यांनी महाराष्ट्र राज्य केमिस्ट संघटना आणि औषध परिषदेच्या फार्मसी व्यवसायातील योगदान याविषयावर; तर डॉ. अमित खाडे यांनी घाऊक औषध विक्री सद्यःस्थितीवर मार्गदर्शन केले.
या कार्यक्रमाच्या आयोजनासाठी महाविद्यालयाच्या प्राचार्य डॉ. राजश्री चव्हाण यांनी मार्गदर्शन केले. या कार्यक्रमाचे आयोजन प्रा. प्रज्ञा जगताप, प्रा. सागर भिसे. प्रा. श्वेता फडतरे यांनी केले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top