जुन्नरच्या पूर्व भागाला वादळी पावसाने झोडपले

जुन्नरच्या पूर्व भागाला
वादळी पावसाने झोडपले

आळेफाटा, ता. ३१ : जुन्नर तालुक्यातील पूर्व भागातील नगदवाडी, वडगाव कांदळी, कांदळी, शिरोली, बोरी, साळवाडी या परिसराला मॉन्सून पूर्व पावसाने झोडपून काढले.
या पावसाबरोबर प्रचंड सोसाट्याचा वारा होता. पावसाबरोबर मोठ्या प्रमाणात गारपीटही होती. प्रचंड असणाऱ्या वाऱ्याच्या वेगामुळे काढणीस आलेला आंबा पिकाचे मोठे नुकसान झाले. तसेच, अनेक शेतकऱ्यांचा कांदा शेतातच होता. कांदा झाकून ठेवलेले कागद वाऱ्यामुळे फाटल्याने कांदा भिजून मोठ्या प्रमाणात नुकसान झाले. परिसरात मोठ्या प्रमाणात बाजरी काढणीचा हंगाम चालू असल्याने अचानक आलेल्या पावसाने बाजरीची कणसे भिजली, तर काही ठिकाणी बाजरी पीक भुईसपाट झाले. वाऱ्यामुळे चारा पिके भुईसपाट झाली. या वादळी वाऱ्याचा ऊस पिकालाही फटका बसला आहे.

पंचनामा करण्याची मागणी
अवकाळी पाऊस व प्रचंड गारपिटीमुळे मोठ्या प्रमाणात नुकसान झाले आहे. सर्वाधिक फटका आंबा पिकाला बसला असून, बाजरी, चारा पिके, कांदा, ऊस यांचेही नुकसान झाले आहे. गारपिटीमुळे टोमॅटो पिकासह तरकारी पिकांना मोठा फटका बसला आहे. प्रशासनाने तातडीने पंचनामे करावेत, अशी मागणी नागरिकांमधून होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com