स्वप्नाली, जयेश यांचे मैदानी स्पर्धेत यश

राजगुरुनगर, ता. ३१ : शालेय विभागस्तरीय मैदानी स्पर्धेमध्ये येथील हुतात्मा राजगुरू महाविद्यालयातील विद्यार्थिनी स्वप्नाली सावंत हिने उंच उडी प्रकारामध्ये द्वितीय क्रमांक पटकाविला. त्यामुळे तिची राज्यस्तरीय स्पर्धेसाठी निवड झाली आहे.
तसेच ८०० मीटर धावणे स्पर्धेमध्ये महाविद्यालयाचा विद्यार्थी जयेश भोकसे याने तृतीय क्रमांक मिळविला. महाराष्ट्र राज्य क्रीडा व युवक सेवा संचनालयांतर्गत, पुणे जिल्हा क्रीडा परिषद स्पर्धा सोमवार (ता. २७) व मंगळवारी (ता. २८) पुणे येथील बालेवाडीच्या श्रीशिवछत्रपती क्रीडा संकुलात पार पडल्या. त्यामध्ये या खेळाडूंनी यश मिळविले. त्यांच्या या यशाबद्दल खेड पोलिस ठाण्याचे पोलिस निरीक्षक सुभाष चव्हाण यांच्या हस्ते त्यांचा सत्कार करण्यात आला. यावेळी खेड तालुका शिक्षण प्रसारक मंडळाचे अध्यक्ष ॲड. देवेंद्र बुट्टे पाटील, उपाध्यक्ष नानासाहेब टाकळकर, प्राचार्य डॉ. शिरीष पिंगळे, उपप्राचार्य प्रा. विठ्ठल दौंडकर, पर्यवेक्षक एस. टी. फुंदे, प्रा. उमेश जगताप, प्रा. अशोक थिगळे आदी उपस्थित होते. प्रा. योगेश मोहिते, प्रा. सारिका गोरे, प्रा. तानाजी पिंगळे यांनी यशस्वी विद्यार्थ्यांना मार्गदर्शन केले.