वडापुरीत श्री स्वामी समर्थांची पुण्यतिथी

वडापुरी, ता. १८ : वडापुरी (ता इंदापूर) येथील हनुमान मंदिरात श्री स्वामी समर्थ महाराजांची १४५ वी पुण्यतिथी उत्साहात साजरी करण्यात आली.

या निमित्त विविध धार्मिक कार्यक्रमांचे आयोजन केले होते. सकाळी भजन झाल्यानंतर महाराजांची आरती पुजारी वैभव भारती गोसावी व सविता गोसावी यांच्या हस्ते करण्यात आली. त्यानंतर महाराजांच्या नावाचा जयघोष करत पुष्पवृष्टी करण्यात आली. मुकुंद टकले यांच्या वतीने महाप्रसादाचे वाटप करण्यात आले. या वेळी पंचक्रोशीतील हभप घनश्याम देवकर, काकासाहेब देवकर, हरिदास माने, संतोष सुतार, वामन नलवडे, किरण पवार, विलास सुतार यांच्यासह ग्रामस्थ मोठ्या संख्येने उपस्थित होते.