माळवाडीमधील नुकसानग्रस्त शाळेची खासदार, आमदारांकडून पाहणी

माळवाडीमधील नुकसानग्रस्त शाळेची 
खासदार, आमदारांकडून पाहणी

वाल्हे, ता. २३ : वाल्हेनजीक माळवाडी येथील शाळेची पत्रे उडून गेल्याने शाळा बेसूर दिसू लागली. हे पाहून बुधवारी (ता. २२) खासदार सुप्रिया सुळे या काहीशा भावुक झाल्या. त्यांनी तातडीने जिल्हा परिषदेचे मुख्य कार्यकारी अधिकाऱ्यांना दूरध्वनी करून शाळा पुन्हा सुस्थितीत त्वरित करा, असा आदेश दिला.

वाल्हे (ता. पुरंदर) परिसराला सोमवारी अचानक आलेल्या वादळी पावसाचा मोठा तडाखा बसला. यात शाळेचे संपूर्ण छत उडाले. यामध्ये खोल्यांमधील कागदपत्रांसह, पाठ्यपुस्तके, संगणक, टिव्ही, खेळाचे साहित्य आदी साहित्य भिजल्याने मोठे नुकसान झाले आहे. दरम्यान, बुधवार (ता.२२) खासदार सुप्रिया सुळे यांनी चारा छावणीला भेट देण्यासाठी आल्या होत्या. त्यांनी नुकसानग्रस्त जिल्हा परिषद प्राथमिक शाळेला भेट दिली. यावेळी आमदार संजय जगताप, पुष्कराज जाधव, हनुमंत पवार, सागर भुजबळ, संभाजी पवार, अंकुश पवार, धनंजय पवार, प्रवीण कुमठेकर, विशाल भुजबळ, वनराज पवार, दीपक पवार आदी उपस्थित होते.
दरम्यान, शाळेच्या मुख्याध्यापिका मनिषा चव्हाण यांनी कामकाजाचा आढावा देताना त्या भावुक झाल्या.
यावेळी खासदार सुळे यांनी त्यांनी धीर देत शाळा पूर्ववत करण्याचे आश्वासन दिले. यावेळी त्यांनी व आमदार संजय जगताप यांनी जिल्हा परिषदेचे मुख्यकार्यकारी अधिकारी यांच्याशी संपर्क साधून येणारे नवीन शैक्षणिक वर्ष सुरू होण्यापूर्वी शाळेचे कामकाज तातडीने पूर्ण करण्याबाबतचे आदेश दिले.
दरम्यान, यावेळी हनुमंत पवार व सागर भुजबळ यांनी नुकसान याबाबत खासदार सुळे व आमदार संजय जगताप यांना माहिती दिली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com