इयत्ता पहिली ते आठवीपर्यंतचे ऑफलाइन वर्ग येत्या ३० जानेवारीपर्यंत बंद | Sakal
sakal

बोलून बातमी शोधा

Corona
इयत्ता पहिली ते आठवीपर्यंतचे ऑफलाइन वर्ग येत्या ३० जानेवारीपर्यंत बंद

इयत्ता पहिली ते आठवीपर्यंतचे ऑफलाइन वर्ग येत्या ३० जानेवारीपर्यंत बंद

पुणे : कोरोनाच्या वाढत्या संसर्गामुळे पुणे महापालिकेच्या क्षेत्रातील सर्व शाळांमधील इयत्ता पहिली ते आठवीपर्यंतचे ऑफलाइन वर्ग येत्या ३० जानेवारीपर्यंत बंद ठेवण्यात येणार असल्याची घोषणा उपमुख्यमंत्री अजित पवार यांनी मंगळवारी (ता.४) पुण्यात पत्रकारांशी बोलताना केली. या शाळांमधील सर्व वर्ग आॅनलाइन सुरु राहतील, असेही पवार यांनी यावेळी स्पष्ट केले.(covid 19)

हेही वाचा: "पाम वाइन' नव्हे, जीवघेणी कृत्रिम ताडीच; दुकानांचे परवाने रद्द करा!

पुणे शहर व जिल्ह्यातील कोरोना संसर्गाचा आढावा मंगळवारी पवार यांनी घेतला. या आढावा बैठकीनंतर ते पत्रकारांशी बोलत होते. या कोरोना आढावा बैठकीस गृहमंत्री दिलीप वळसे पाटील, आरोग्य मंत्री राजेश टोपे, बांधकाम राज्यमंत्री दत्तात्रेय भरणे, पुणे जिल्हा परिषदेच्या अध्यक्षा निर्मला पानसरे, पुण्याचे महापौर मुरलीधर मोहोळ, खासदार गिरीश बापट, वंदना चव्हाण, विभागीय आयुक्त सौरभ राव, जिल्हाधिकारी डॉ.राजेश देशमुख आदी उपस्थित होते.(online class)

हेही वाचा: सातारा : वृद्धाचे एटीएम कार्ड चोरून पैसे काढल्याप्रकरणी एकास अटक

पवार म्हणाले, ‘‘राज्यात ओमीक्रॉन व्हेरियंटच्या कोरोनाचा चा संसर्ग वाढू लागला आहे. याला आळा घालण्यासाठी मुंबई व ठाण्यातील शाळा बंद करण्याचा निर्णय याआधीच घेण्यात आला आहे. पुणे शहराने याबाबत अधिक खबरदारी घेणे आवश्यक आहे. कोरोना संसर्गाची स्थिती बिकट होत आहे. सध्या जगभरातील १०५ देश, भारतातील २३ राज्ये आणि राज्यातील ११ शहरांमध्ये ओमीक्रॉनचे रुग्ण आढळले आहेत. पुणे शहरात एकाच दिवसाचा पॉझिटीव्हीटी दर १८ टक्के झाला आहे. या पार्श्वभूमीवर येत्या ३० जानेवारीपर्यंत पहिली ते आठवीचे वर्ग बंद राहतील. मात्र १५ ते १८ वयोगटातील विद्यार्थ्यांना कोरोना लस देण्यास सुरवात केली असल्याने इयत्ता नववी आणि दहावीचे वर्ग सुरू राहतील.’’

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top