एमआरएफ टायर कंपनीच्या नव्या दालनाचे उंड्रीत उद्‍घाटन

उंड्री, ता. २९ ः एमआरएफ कंपनीच्या नव्या दालनाचे उंड्रीमध्ये नुकतेच उद्‍घाटन करण्यात आले. विरालक्ष्मी टायर या नावाने हे अधिकृत दालन उघडण्यात आले आहे. त्याचे उद्‍घाटन एमआरएफ कंपनीचे क्षेत्र विक्री व्यवस्थापक रवी इतीगट्टी आणि जिल्हा व्यवस्थापक आल्फ्रेड जॉन्स यांच्या हस्ते झाले. यावेळी विरालक्ष्मी टायर्सच्या मालक अमृता जगताप, अथर्व सोलंकर व इतर मान्यवर उपस्थित होते.
वाढते नागरिकरण, मुख्य मार्ग आणि येथे असणाऱ्या ट्रान्सपोर्ट व्यावसायिकांची गरज याचा अभ्यास करून येथे हे दालन उघडण्यात आले आहे. वातानुकूलित असे उंड्री भागातील हे पहिलेच दालन आहे. ग्राहकाला स्वतः फिरून टायर पसंत करता येईल, अशी व्यवस्था करण्यात आली आहे. वाहनाचे स्वयंचलित पद्धतीने टायर बदलले जाणार आहेत. तसेच नामांकित गाड्यांची देखभाल- दुरुस्ती (सर्व्हिसिंग) अत्याधुनिक यंत्रांच्या साहाय्याने करण्यात येणार आहे. त्यासाठी कंपनीद्वारे प्रशिक्षित कर्मचाऱ्यांची नियुक्ती करण्यात आली आहे.
‘‘देशातील रस्ते सुधारत आहेत. त्यामुळे अनेक वाहन कंपन्या आपला व्यवसाय वाढवण्यासाठी देशात येत आहेत. या वाहनांची देखभाल दुरुस्ती जवळ उपलब्ध व्हावी आणि ग्राहकाचे पैसा व वेळ दोन्हीची बचत व्हावी, हा कंपनीचा उद्देश असल्याने या ठिकाणी कंपनीचे अधिकृत टायर विक्री आणि देखभाल दुरुस्ती दालन सुरू करण्यात आले आहे,’’ असे कंपनीचे क्षेत्र विक्री व्यवस्थापक रवी इतीगट्टी यांनी सांगितले.