आर्थिक व्यवहारातून दोघांचे अपहरण करुन केली जबर मारहाण 

two kidnapped and bitten due to finacial disputes
two kidnapped and bitten due to finacial disputes
Updated on

पुणे  ः आर्थिक व्यवहारातून झालेल्या वादातून दोघांचे अपहरण करून, त्यांना डांबून ठेवत जबर मारहाण केल्याचा धक्कादायक प्रकार उघडकीस आला आहे. याप्रकरणी हडपसर पोलिसांनी दोघांना अटक करून त्यांच्या साथीदारांविरुद्ध गुन्हा दाखल केला आहे. ही घटना 26 मार्चला हडपसर येथे घडली. 

- पुण्याच्या बातम्या वाचण्यासाठी येथे ► क्लिक करा

प्रशांत लबडे (वय 26), अनिकेत अंकुश वाळके (वय 20, दोघेही रा.बेलवंडी, श्रीगोंदा, नगर) अशी अटक केलेल्या संशयित आरोपींची नावे आहेत. याप्रकरणी हडपसर येथील 22 वर्षीय तरुणाने हडपसर पोलिस ठाण्यात गुन्हा दाखल केला आहे. पोलिसांनी दिलेल्या माहितीनुसार, फिर्यादी व आरोपी हे नगरमधील श्रीगोंदा तालुक्‍यातील बेलवंडी गावचे आहेत. फिर्यादी हा शेअर मार्केट ट्रेडींगचा व्यवसाय करीत होता. त्याने आरोपींना शेअर मार्केटमध्ये पैसे गुंतविल्यास जादा नफा मिळेल, असे सांगून त्यांच्याकडून सव्वा चार लाख रुपये घेतले होते. दरम्यान, फिर्यादीने त्यापैकी काही रक्कमही आरोपींना दिली होती. मात्र आरोपींकडून फिर्यादीकडे जादा पैशांची मागणी केली जात होती. याच आर्थिक व्यवहारातून त्यांच्यात वाद निर्माण झाला होता.

पुणे जिल्ह्यात परिस्थिती चिंताजनकच; पुन्हा 4 हजारांवर कोरोना रुग्ण'

दरम्यान, शनिवारी दुपारी दोन वाजण्याच्या सुमारास फिर्यादी व त्यांचा मित्र हडपसरमधील माळवाडी येथून जात असताना आरोपींनी त्यांना जबरदस्तीने कारमध्ये बसवून त्यांचे अपहरण केले. प्रारंभी त्यांना हडपसरमधील कॅनॉलजवळ नेऊन मारहाण केली, त्यानंतर आकुर्डी येथे एका सदनिकेत नेऊन डांबून ठेवले. तेथेही त्यांना शिवीगाळ व मारहाण केली. त्यानंतर रविवारी फिर्यादीच्या मित्राला हडपसरमध्ये सोडले. तर फिर्यादीला नगरला नेले. पुणे-नगर प्रवासादरम्यान आरोपींनी फिर्यादीच्या आई-वडीलांना फोन करून त्यांच्या मुलाला नगरला सोडल्याचे सांगितले. दरम्यान, त्यांच्या आई-वडीलांनी फिर्यादीस आणले. त्यानंतर तपास अधिकारी पोलिस उपनिरीक्षक सौरभ माने यांच्या पथकाने नगरच्या श्रीगोंदा तालुक्‍यातील बेलवंडी येथून लबडे व वाळके यांना अटक केली. तर अन्य आरोपींचा पोलिसांकडून शोध सुरू आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com