पवना धरणात बुडून दोन पर्यटकांचा मृत्यू

पवनानगर : पवन मावळातील पवनाधरण परिसरात पर्यटनासाठी आलेल्या मुंबईतील दोन जणांचा पाण्यात बुडून मृत्यू झाला. अमेय दिलीप राहते (वय २५) व तेजस रवि पांगम ( वय २२ दोघेही रा. काळाचौकी, अभ्युदयनगर, मुंबई) अशी मृतांची नावे आहेत. 

 ताज्या बातम्यांसाठी डाऊनलोड करा ई-सकाळच ऍप 

पोलिसांनी दिलेल्या माहितीनुसार, रविवार (दि.१५) रोजी दुपारी दोन वाजण्याच्या सुमारास पवना धरण परिसरात पाण्याचा अंदाज न आल्याने पाण्यात बुडुन दोघांचा मृत्यू झाला. त्याठिकाणी लोणावळा ग्रामीणचे पोलिस घटनास्थळी वेळेत पोहचलेच नाही. त्यामुळे दुसऱ्या दोन पर्यटकांनी व या ठिकाणी आलेल्या इतर पर्यटकांच्या मदतीने दोघांना बाहेर काढून सोमाटणे येथील एका खाजगी दवाखान्यात शवविच्छेदनासाठी नेण्यात आले आहे.

आणखी वाचा - अमितभाई मातोश्रीवर जाणार होते; फडणवीसांचा खुलासा

आज रविवार असल्याने दुपारी बारा वाजण्याच्या सुमारास चार मित्र फिरण्यासाठी पवनाधरण परिसरात आज आले होते. पोहण्याचा आंनद घेण्यासाठी पाण्यात उतरुन पोहत असताना पाण्याच्या खोलीचा अंदाज न आल्याने दोघांचा बुडून मृत्यू झाला आहे. पुढील तपास लोणावळा ग्रामीणचे पोलिस हवालदार सुनिल बाबर करत आहेत.