सिंहगड रस्त्यावर नांदेड सिटी गेटजवळ अनधिकृत पार्किंग; वाहतूक पोलिसांचे दुर्लक्ष

किरकटवाडी : सिंहगड रस्त्यावरील नांदेड सिटी गेटजवळ रात्रंदिवस अनधिकृतपणे  वाहने उभी करुन ठेवण्यात येत असल्याने वाहतुकीस अडथळा निर्माण होत आहे. बेवारस स्थितीत उभ्या असलेल्या या वाहनांकडे सिंहगड रस्ता वाहतूक शाखेच्या पोलीस अधिकारी व कर्मचाऱ्यांकडून मात्र कोणतीही कारवाई होताना दिसत नाही.

पुणेकरांनो, रात्री घराबाहेर पडताय, मग ही बातमी नक्की वाचा

नांदेड सिटी गेटजवळ नांदेड फाट्याच्या बाजूस खाजगी बस, टेंपो,ट्रक, कंटेनर,क्रेन व इतर लहान-मोठी वाहने अनेक दिवसांपासून उभी केली जात आहेत. याच ठिकाणापासून सिंहगड रस्त्यावरील दुभाजकाची सुरुवात झालेली असल्याने रस्ता अरुंद आहे.त्यामुळे या अनधिकृतपणे उभ्या असलेल्या वाहनांचा पुणे शहराकडे जाणाऱ्या वाहनांना अडथळा निर्माण होतो. अरुंद रस्त्यामुळे वाहने दुभाजकावर आदळल्याने या ठिकाणी अनेक अपघातही झालेले आहेत.

वाहने उभी असल्याने त्यांच्या आडोशाला मोठ्या प्रमाणात कचरा टाकला जात असल्याने या ठिकाणी दुर्गंधीचेही साम्राज्य पसरलेले आहे.तसेच हा मद्दपींचाही अड्डा बनलेला आहे.दारुच्या रिकाम्या बाटल्या आजूबाजूला पडलेल्या असतात.रात्रीच्या वेळी अंधाराचा गैरफायदा घेऊन एखादा अनुचित प्रकार घडण्याची शक्यता असल्याने प्रशासनाने या वाहन मालकांवर वेळीच कारवाई करणे आवश्यक बनले आहे.

- ताज्या बातम्यांसाठी डाऊनलोड करा ई-सकाळचे ऍप

या उभ्या असलेल्या वाहनांमुळे सतत वाहतूक कोंडी होत असते.या ठिकाणी वेश्या व्यवसाय करणाऱ्या महिलाही थांबत आहेत.वाहतुक पोलीसांनी या अनधिकृतपणे पार्कींग करण्यात आलेल्या वाहनांवर कारवाई करुन रस्त्यावरील अडचण दूर केल्यास त्यामुळे इतर अनेक समस्या आपोआप सुटतील.-चंद्रकांत थोरे, विश्वस्त, परिवर्तन सामाजिक संस्था.

बारामतीत पॉवर पेट्रोलचं शतक; उच्चांकी इंधनदराची नोंद

येथील काही वाहनांवर कारवाई करण्यात आली आहे.इतरही वाहणांवर तातडीने कारवाई करण्यात येईल.बेवारसपणे उभ्या असलेल्या वाहनांवर जप्तीची कारवाई करण्यात येणार आहे. -नंदकिशोर शेळके, पोलीस निरीक्षक, सिंहगड रस्ता वाहतूक शाखा.

(संपादन : सागर डी. शेलार)