भुयारी मेट्रोने मुठा नदी ओलांडली !

पुणे : पिंपरी, चिंचवड-स्वारगेट या १६ किलोमीटरच्या मार्गावर मेट्रो प्रकल्पाचे काम सध्या सुरू आहे. त्यात रेंजहिल्स (कृषी महाविद्यालय मैदान) ते स्वारगेट दरम्यान ६ किलोमीटरचा मार्ग भुयारी असेल. या भुयारी मार्गाच्या खोदाईचे काम शिवाजीनगर न्यायालयाजवळ मुठा नदीच्या पात्रातून पूर्ण झाले आहे. नदी ओलांडून आता ही खोदाई फडके हौद स्थानकाच्या दिशेने सुरू झाली आहे.

- मुठा नदीपात्राची लांबी १२० मीटर

- न्यायालयापासून झालेली खोदाई २०० मीटर

- फडके हौद स्थानक ते स्वारगेट दरम्यान खोदाई पूर्ण होणार ६ महिन्यांत

- नदीपासून खोलवर खोदाई १८ मीटर

- जमिनीपासून खोलवर खोदाई २८ मीटर

- भुयाराचा परीघ - ६. ४ मीटर

- रेंजहिल्सपासून कसबा पेठेपर्यंत तयार झालेली भुयारी मार्ग १. ८ किलोमीटर

- स्वारगेटपासून मंडईच्या दिशेने झालेली खोदाई - २५० मीटर

- टनेल बोअरींग मशिनचा खोदाईचा वेग - २४ तासांत १० मीटर

- भुयारी मेट्रोसाठी खोदाई करण्यासाठी - ३ टनेल बोअरिंग मशिन, मनुष्यबळ ६० कामगार

पुण्यातील ताज्या बातम्या वाचण्यासाठी येथे क्लिक करा