मांडवगण फराटा : तांदळी ( ता. शिरूर ) येथील शेतकरी आबासाहेब नामदेव गदादे यांच्या गणेगाव दुमाला हद्दीतील गट नंबर ५४३ मधील सुमारे एक एकर उसाला अज्ञात व्यक्तीने आग लावल्याची घटना घडली आहे. काल सोमवारी दि. २३ रोजी दुपारी तीन वाजण्याच्या सुमारास ही घटना घडली. यामध्ये गदादे यांचा अर्धा एकर आडसाली ऊस जळून खाक झाला. अर्धा एकर ऊस वाचवण्यात शेतकर्यांना यश आले. (Pune News)
ऊस जळीत ग्रस्त शेतकरी आबासाहेब नामदेव गदादे यांनी सांगितले की सन २०१० पासून कुणीतरी अज्ञात व्यक्ती मला त्रास देण्यासाठी ऊस पेटवून देत आहे. यापूर्वी पाच वेळा माझा ऊस कुणीतरी अज्ञाताने पेटवण्याच्या घटना घडल्या आहेत. सध्या साखर कारखाने बंद असल्याने या उसाचे काय करायचे असा प्रश्न उपस्थित झाला आहे. गुर्हाळे चालू आहेत मात्र गुर्हाळचालक जळालेला ऊस न्यायला तयार नाहीत. देतील त्या किंमतीत गुर्हाळाला ऊस देण्याशिवाय पर्याय नसल्याचे गदादे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
