यूपीएससीचे सुधारीत वेळापत्रक जाहीर; वाचा सविस्तर बातमी

पुणे ः "कोरोना'मुळे केंद्रीय लोकसेवा आयोगाच्या (यूपीएससी) परीक्षा पुढे ढकलण्यात आल्या होत्या, आता या परीक्षांचे सुधारीत वेळापत्रक आज जाहीर करण्यात आले आहे. नागरी सेवा आणि वन सेवाची पूर्व परीक्षा ऑक्‍टोबर मध्ये होणार आहे, तर मुख्य परीक्षो अनुक्रमे जानेवारी व फेब्रुवारी महिन्यात होणार आहे.

पुण्याच्या इतर बातम्या वाचण्यासाठी येथे- क्लिक करा

देशात कोरोनाचा प्रभाव वाढत असल्याने "यूपीएससी'ने सर्व परीक्षा पुढे ढकलण्याचा निर्णय 4 मे रोजी घेतला होता. देशातील परस्थितीचा अंदाज घेऊन पुढील वेळापत्रक जाहीर केले जाईल असे स्पष्ट करण्यात आले होते. त्यानुसार आयोगाने देशातील सर्व राज्यातील स्थितींचा विचार करून आज 2020 चे सुधारीत वेळपत्रक जाहीर केले आहे.

पावसाळ्यात ज्येष्ठ, गर्भवती, मुलांची काळजी घ्या; फ्ल्यूबरोबरच कोरोनाची धास्ती

यामध्ये एनडीए/एन परीक्षा 6 सप्टेंबर 2020 रोजी होईल, नागरी सेवा आणि वन सेवाची पूर्व परीक्षा 4 ऑक्‍टोबर रोजी होणार आहे. आयईएस/आयएसएस परीक्षा 16 ऑक्‍टोबर पासून पुढे तीन दिवस चालणार आहे. संयुक्त भू वैज्ञीनिक मुख्य परीक्षा 8 ऑगस्ट, अभियांत्रीकी सेवा मुख्य परीक्षा 9 ऑगस्ट, संयुक्त वैद्यकीय सेवा परीक्षा 22 ऑक्‍टोबर, केंद्रीय शसस्त्र पोलिस दलाची परीक्षा 20 डिसेंबर, नागरी सेवा मुख्य परीक्षा (पाच दिवस) 8 जानेवारी 2021 पासून सुरू होणार आहे. सीडीएस परीक्षा 8 नोव्हेंबर 2020, भारतीय वन सेवा मुख्य परीक्षा (10 दिवस) 29 फेब्रुवारी 2020 पासून होणार आहे.

अबब! शिवाजीनगर स्टेशनच्या रुळावर दिसला अजगर मग...

राज्यातील अनेक विद्यार्थी या परीक्षांमध्ये त्यांचे नशिब आजमवतात, "यूपीएससी'ने आगामी परीक्षांचे वेळापत्रक जाहीर केल्याने विद्यार्थ्यांना अभ्यासाला लागता येणार आहे. मात्र, महाराष्ट्र राज्य लोकसेवा आयोगाने (एमपीएससी) पुढे ढकललेल्या परीक्षांचे वेळापत्रक अद्याप जाहीर केलेले नाहीत, तसेच सहा परीक्षांचे अंतीम निकाल लावण्यासही विलंब केला जात आहे.