पुण्यातील वैष्णवी हगवणे या तरुण विवाहितेच्या आत्महत्या प्रकरणाने संपूर्ण महाराष्ट्रात खळबळ उडाली आहे. वैष्णवीच्या आत्महत्येनंतर तिचा १० महिन्यांचा मुलगा गायब झाल्याचा प्रश्न उपस्थित झाला होता, परंतु आता तो राजेंद्र हगवणे यांच्या मावस भावाकडे असल्याचे समोर आले आहे. आज कायदेशीर प्रक्रिया पूर्ण करून बाळाचा ताबा वैष्णवीच्या आई-वडिलांकडे सुपूर्द करण्यात येणार आहे. या प्रकरणात हगवणे कुटुंबातील तीन आरोपींना अटक झाली असून, दोन आरोपी फरार आहेत.
