बाजारपेठांना चढला व्हॅलेंटाइनचा रंग

पिंपरी - प्रेमीयुगुलांचा आवडता असलेला ‘व्हॅलेंटाइन डे’ काही दिवसांवर येऊन ठेपला असल्याने बाजारपेठांना गुलाबी रंग चढू लागला आहे. शहरातील भेटवस्तूंची दुकाने गुलाबी रंगात न्हाऊन निघाली आहेत. बाजारपेठा हार्टशेप, मून कपल, टेडीकपल बिअर, लायटिंग टेडी, लॅक पिलो, कलर चेंजिंग हार्ट आदी विविध भेटवस्तूंनी फुलल्या आहेत. 

यासाठी चॉकलेटचे नवीन प्रकार, शुभेच्छा पत्रे, टेडीबिअर, विविध आकर्षक भेटवस्तू आदी दुकानांमध्ये पाहावयास मिळत आहेत. अगदी १० रुपयांपासून एक हजार रुपयांपर्यंत मराठी व इंग्रजी शुभेच्छा पत्रे, २० ते ५०० रुपयांपर्यंतची विविध प्रकारचे चॉकलेट दुकानांमध्ये मिळत आहेत. या वस्तूही लाल रंगाच्या आकर्षक वेष्टणात मिळत आहेत. लाल रंगातून सिल्व्हर रंगात बदलणारे कलर चेजिंग हार्ट, झोक्‍यात चंद्रावर बसलेले कपल या भेटवस्तूंना अधिक मागणी असल्याचे भावना व्हरायटीचे मालक विकी सचवानी यांनी सांगितले.

भेटवस्तू  किमती (रुपयांत)
मून कपल स्टॅच्यू    ४०० ते ९००
लायटिंग टेडी    १०० ते ५००
कलर चेंजिग हार्ट    ४००
लॅक पिलो    ४०० ते ६००
कपल टेडीबिअर    ५०० ते ११००
हार्टशेप गिफ्ट बॉक्‍स    १५० ते ३५०
पेअर लव्ह पीस कप    २०० ते ६००
युनिक फोटो फ्रेम    ५०० रुपयांपर्यंत
ग्रीटिंग    ४० ते ६५०
पेपर बॅग    ३० ते २५०
टेडी विविध आकार    १०० ते २२००