Raj Thackeray | राज ठाकरे पुण्यात... पण वसंत मोरे दौऱ्यातून गायब | Sakal
sakal

बोलून बातमी शोधा

Raj Thackeray and Vasant More

राज ठाकरे पुण्यात... पण वसंत मोरे दौऱ्यातून गायब

मनसे प्रमुख राज ठाकरे यांनी मशिदीवरील भोंग्याबाबत केलेल्या वक्तव्यानंतर मनसेत अनेक राजकीय घडामोडी घडल्या आहेत. पुणे शहर अध्यक्ष वसंत मोरे (Vasant More) यांनी राज ठाकरे यांच्या भूमिकेवर उघड उघड नाराजी व्यक्त केल्याने त्यांना शहराध्यक्षपदावरून बाजूला करण्यात आलं होतं. यानंतर साईनाथ बाबर यांना पुणे शहराची सूत्र देण्यात आली. (Raj Thackeray in Pune)

दरम्यान, वसंत मोरे यांनी मुंबईत जाऊन 'शिवतीर्थ'वर राज ठाकरे आणि शर्मिला ठाकरे यांची भेटही घेतली. यानंतर पक्षातील वादळ शमल्याचं पाहायला मिळालं. वसंत मोरे यांनी पोस्ट करून मी मनसेतच असल्याचं सांगत चर्चांना पूर्णविराम लावला. यानंतर त्यांनी कोणतीही नाराजी नसल्याचं स्पष्ट केलं. मात्र, राज ठाकरे पुण्यात आल्यानंतर त्यांच्या दौऱ्यात वसंत मोरे गायब असल्याचं दिसतंय. (Vasant More)

हेही वाचा: राज ठाकरेंच्या भेटीसाठी मनसेचे वसंत मोरे मुंबईला रवाना

मुंबई आणि ठाण्यातील सभांना हजेरी लावणारे वसंत मोरे राज ठाकरे पुण्यात आल्यानंतर मात्र दौऱ्यात कोणालाही दिसले नाहीत. त्यांच्या अनुपस्थितीने सध्या पुन्हा चर्चा रंगली आहे. राज ठाकरे आणि मोरे यांच्यात दुरावा निर्माण झाल्यापासून मोरे पक्षाला रामराम करणार का, असा प्रश्न उपस्थित होत होता. पक्षपदापासून दूर केल्यानंतर त्यांना मुख्यमंत्र्यांनीही फोन केल्याच्या बातम्या होत्या. मात्र, मनसेत कायम राहणार असल्याचं सांगत त्यांनी भूमिका मांडली.

राज ठाकरे एरव्ही पुण्याच्या दौऱ्यावर असताना शहरातील सर्व पदाधिकारी त्यांच्या दिमतीला असतात. पुण्यातील राजमहाल नावाच्या इमारतीत ठाकरे वास्तव्यास असतात. औरंगाबादला निघण्यापूर्वीही ठाकरे पुण्यात पोहोचले आहेत. १०० पुरोहितांच्या मार्फत मंत्रांचं पठण आणि काही धार्मिक विधी होणार आहेत. मात्र राज ठाकरे आल्यापासून वसंत मोरे यांची झलक कोणालाही मिळाली नाही. ते थेट औरंगाबादला उपस्थित राहणार असल्याचं कळतंय. वसंत मोरे २ दिवसांपासून आजारी असल्याची माहिती मनसे नेत्यांकडून मिळत आहे.

Web Title: Vasant More Is Absent In Raj Thackeray Pune Rally Raj Thackeray Aurangabad Rally

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top