पुणे - शहरातील ज्येष्ठ उद्योजक, सामाजिक भान जपणारे उद्योगपती आणि रांका ज्वेलर्सचे ओमप्रकाश रांका यांचे गुरुवारी रात्री निधन झाले. ते ७१ वर्षांचे होते. त्यांच्या पश्चात भाऊ, मुलगा, दोन मुली, सुन आणि नातवंडे असा परिवार आहे..पुण्यातील व्यापारी आणि सामाजिक क्षेत्रात रांका यांचे व्यक्तिमत्त्व प्रभावी आणि सक्रिय म्हणून ओळखले जात होते. कर्वे रोड व्यापारी संघटनेचे विद्यमान अध्यक्ष म्हणून त्यांनी व्यापाऱ्यांच्या प्रश्नांवर ठाम भूमिका घेतली होती. तसेच दादावाडी टेम्पल ट्रस्टचे विश्वस्त म्हणून धार्मिक कार्यातही त्यांचा सक्रिय सहभाग होता..पुणे पांजरपोळ ट्रस्ट, रांका रिसर्च अँड फाउंडेशन, शांतिनाथ मूर्तिपूजक संघ (पाली), सादडी संघ अशा विविध संस्थांमधून त्यांनी समाजोपयोगी उपक्रम राबवले. जितो पुणेचे अध्यक्ष म्हणून त्यांनी जैन समाजाच्या संघटनात्मक कामात महत्त्वपूर्ण योगदान दिले होते. सध्या ते जितो अपेक्सचे सल्लागार म्हणून कार्यरत होते. याशिवाय सारसबाग येथील महालक्ष्मी मंदिराचे विश्वस्त म्हणूनही त्यांनी सेवा बजावली..कोरोना काळात त्यांनी दाखवलेली सामाजिक बांधिलकी विशेष उल्लेखनीय ठरली. रुग्णांना मदत, अन्नधान्य वाटप, गरजूंना आर्थिक सहाय्य अशा विविध उपक्रमांमधून त्यांनी मोठ्या प्रमाणात हातभार लावला. त्यामुळे समाजातील विविध घटकांमध्ये त्यांच्याबद्दल आदराची भावना होती.ओमप्रकाश रांका यांच्या निधनाने पुण्यातील व्यापारी क्षेत्रासह सामाजिक आणि धार्मिक क्षेत्रात मोठी पोकळी निर्माण झाली असून, विविध स्तरांतून त्यांना श्रद्धांजली वाहिली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
