Loksabha Election Voting : बारामती मतदारसंघासाठी उद्या मतदान

अत्यंत चुरशीच्या आणि संपूर्ण देशाचे लक्ष असलेल्या बारामती लोकसभा मतदसंघाकरिता मंगळवारी (ता. ७) मतदान होणार आहे.
Loksabha Election Voting
Loksabha Election Votingsakal

पुणे : अत्यंत चुरशीच्या आणि संपूर्ण देशाचे लक्ष असलेल्या बारामती लोकसभा मतदसंघाकरिता मंगळवारी (ता. ७) मतदान होणार आहे. त्यासाठीची सर्व प्रशासकीय तयारी पूर्ण झाली आहे. त्या दिवशी सकाळी सात ते सायंकाळी सहादरम्यान मतदान होईल. या मतदारसंघात एकूण २३ लाख ६२ हजार ४०७ मतदार; तर दोन हजार ५१६ मतदान केंद्रे आहेत, अशी माहिती निवडणूक निर्णय अधिकारी कविता द्विवेदी यांनी रविवारी दिली.

कडक उन्हाच्या पार्श्‍वभूमीवर प्रत्येक मतदान केंद्रावर मेडिकल कीट दिली आहे. मतदानासाठी मोठी रांग असेल; तर त्यांच्यासाठी प्रतीक्षा हॉलमध्ये बसण्याची सुविधा केली आहे. एकाच ठिकाणी पाचपेक्षा अधिक मतदान केंद्रे असल्यास मांडव घालण्यात येणार आहे. मतदान केंद्रांवर सेल्फी पॉइंट उभारण्यात येणार आहे. वयोवृद्ध मतदारांचे केंद्रावर फूल देऊन स्वागत केले जाणार आहे, असेही त्या म्हणाल्या.

Loksabha Election Voting
Sharad Pawar : बारामतीकरांना धक्का अशक्य;निवडणुकीची अमेरिकेतही उत्सुकता

ईव्हीएम मशिनची सरमिसळ प्रक्रिया निवडणूक निरिक्षकांच्या उपस्थित पूर्ण झाली आहे. विधानसभा मतदारसंघनिहाय ईव्हीएम मशिनचे वाटप केले जाणार आहे. निवडणुकीसाठी नियुक्त केलेल्या कर्मचाऱ्यांचे सोमवारी अंतिम प्रशिक्षण घेतले जाईल. त्यानंतर कर्मचारी मतदान केंद्रांवर रवाना होतील, असेही द्विवेदी म्हणाल्या.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com