मुंढवा (पुणे) : हडपसर-मुंढवा रस्त्यावरील रेल्वे उड्डाणपुलाच्या उतारावरून वाहात येणारे पावसाचे पाणी वाहून जाण्याची पालिकेने गेल्या कित्येक वर्षापासून व्यवस्था केलेली नाही. त्यामुळे वाहत जाणारे पाणी रस्त्यावर साठते. मागील दोन दिवसांच्या पावसामुळे याठिकाणी डबक्‍यातून वाट काढावी लागत आहे. एखादे वाहन वेगाने गेल्यास पाणी अंगावर उडते, त्यामुळे नाहक त्रास सहन करावा लागत आहे, अशी व्यथा या परिसरातील रहिवासी सूरज चव्हाण यांनी मांडली.
हडपसर-मुंढवा रस्त्यावरील रेल्वे उड्डाणपुलाच्या उतारावर दरवर्षी पावसाळ्यात रस्त्यावरील सखल भागात वारंवार साठते. त्यामुळे या ठिकाणाहून जातांना दुचाकी चालकांना अपघातास सामोरे जावे लागत आहे. पालिकेने साठलेले पाणी रस्त्यावरून काढून देण्यासाठी कायमस्वरूपी उपाययोजना करावी, अशी मागणी स्थानिक रहिवाशी देविदास लोणकर यांनी केली आहे.
मुंढवा येथील रेल्वे उड्डाणपुलावरून हडपसरहून मुंढव्याकडे येतांना पुलावरून वाहत येणारे पावसाच्या पाण्याला वाहून जाण्यास जागा नसल्याने ते रस्त्यावरून वाहत जावून खोलगट भागात साचते. त्यामुळे रस्त्याला डबक्‍याचे स्वरूप आले आहे.
या रस्त्यावरून मोठ्या प्रमाणात वाहनांची होत वर्दळ असते. पाणी साठल्याने संपुर्ण रस्ता सुमारे पंधरा फूट लांबीपर्यंत पाण्याखाली गेला आहे. रस्त्यावर जागोजागी खड्डे निर्माण झाले आहे. दुचाकी चालकांना डबक्‍यातून जातांना पाण्यातून जावे लागते. पाण्याखाली असलेले खड्डे दिसत नसल्याने दुचाकीना अपघातास सामोरे जावे लागत आहे. याबाबत हडपसर-मुंढवा क्षेत्रिय कार्यालयाचे सहा. आयुक्त सुनिल यादव यांच्याशी सपर्क साधला असता त्यांनी प्रतिसाद दिला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.