Rain News Update : लोणावळ्यास सोसाट्याचा वारा अन अवकाळी पाऊस; नागरिकांची तारांबळ

लोणावळा : लोणावळा परिसरास गुरुवारी (ता.१६) सोसाट्याच्या वाऱ्यासह अवकाळी पावसाने चांगलेच झोडपले. सायंकाळी साडेपाच वाजण्याच्या सुमारास अचानक सोसाट्याचा वारा आणि पावसाच्या सरी कोसळण्यास सुरुवात झाली. त्यामुळे लोणावळाकरांसह व्यावसायिकांची तारांबळ उडाली.   

लोणावळ्यासह खंडाळा, कुसगाव बु., कार्ला परिसरात पावसाच्या जोरदार सरी कोसळल्या. तासभर हा पाऊस सुरू होता. लोणावळा परिसरात उकाडा जाणवत होता, गुरुवारी झालेल्या पावसामुळे वातावरणात प्रचंड गारठा जाणवू लागला आहे.