पुणे : एटीएम कार्ड बदलून ज्येष्ठाच्या खात्यातून 32 हजार काढले

पुणे : एटीएममधून पैसे काढण्यासाठी अनोळखी माणसाची मदत घेणे ज्येष्ठ नागरिकाला चांगलेच महागात पडले आहे. भामट्याने ज्येष्ठाला मदत करण्याच्या बहाण्याने कार्ड बदली केले व त्याद्वारे 32 हजार रुपये काढले. मगरपट्टा परिसरातील एका बॅंकेत हा प्रकार घडला. या प्रकरणी हडपसर पोलिस ठाण्यात फसवणुकीचा गुन्हा दाखल करण्यात आला आहे.

Graduate Constituency Election Result 2020 जयंत पाटलांचं फडणवीसांना ओपन चॅलेंज

याबाबत कोलवडी येथील 65 वर्षाच्या व्यक्तीने तक्रार दिली आहे. त्यानुसार अज्ञात व्यक्तीवर गुन्हा दाखल करण्यात आला आहे. सात सप्टेंबर रोजी ही घटना घडली. पोलिसांनी दिलेल्या माहितीनुसार, तक्रारदार यांचे मगरपट्टा येथील स्टेट बॅंक ऑफ इंडियामध्ये पेन्शनचे अकाउंट आहे. सात सप्टेंबर रोजी दुपारी दीडच्या सुमारास ते पेन्शनचे पैसे काढण्यासाठी तेथे गेले होते. तक्रारदार यांनी एटीएममधून पैसे काढण्याचा प्रयत्न केला. पण, त्यांना पैसे निघाले नाही.

मराठा क्रांती मोर्चाची 'महावितरण' कार्यालयावर धडक; भरती प्रक्रिया उधळली

त्यावेळी तेथे असलेल्या व्यक्तीने त्यांना पैसे काढून देण्याचा बहाणा केला. त्यांच्याकडून एटीएमकार्ड घेऊन हातचलाखीने दुसरेच कार्ड एटीएममध्ये टाकले. त्यानंतर तक्रारदार यांना पीन क्रमांक टाकायला सांगितला. तक्रारदार हे पीन क्रमांक टाकत असताना तो त्याने पाहिला. पण दुसरेच कार्ड एटीएमध्ये टाकल्याने पैसे निघाले नाहीत.

खडकवासला धरणाच्या मागच्या बाजूला कचऱ्याचे ढीग; व्यावसायिकांकडून होतेय विद्रुपीकरण

त्यामुळे तक्रारदार यांना आरोपीने बदली केलेले कार्ड परत दिले. तक्रारदार हे दुसरेच एटीएम कार्ड घेऊन तेथून निघून आले. त्यानंतर आरोपीने ज्येष्ठाच्या एटीएम कार्डचा वापर करून 32 हजार रुपये काढले. तक्रारदार यांना त्यांच्या खात्यातून पैसे कमी झाल्याचे आढळून आल्यानंतर त्यांनी पोलिसांकडे धाव घेऊन तक्रार दिली. याप्रकरणी हडपसर पोलिस अधिक तपास करत आहेत. आरोपीचा सीसीटीव्हीच्या मदतीने शोध घेतला जात आहे.

(संपादन : सागर डी. शेलार)