डेटींग ऍपवर ओळख; महिलेची सात लाख रुपयांची फसवणूक | Sakal
sakal

बोलून बातमी शोधा

Dating App
डेटींग ऍपवर ओळख; महिलेची सात लाख रुपयांची फसवणूक

डेटींग ऍपवर ओळख; महिलेची सात लाख रुपयांची फसवणूक

पुणे - डेटींग ऍपवरून (Dating App) ओळख (Identity) झालेल्या व्यक्तीने उच्चशिक्षीत महिलेस (Women) डॉक्‍टर असल्याची बतावणी करून, परदेशी चलन सीमाशुल्क विभागाकडून सोडविण्याचे कारण सांगत महिलेची सात लाख रुपयांची फसवणूक (Fraud) केली. याप्रकरणी येरवडा पोलिस ठाण्यात फसवणुकीचा गुन्हा (Crime दाखल करण्यात आला आहे.

याप्रकरणी वडगाव शेरी येथील 42 वर्षीय महिलेने फिर्याद दाखल केली आहे. त्यानुसार अजय नाथन व इतर पाच जणांवर माहिती तंत्रज्ञान कायद्यानुसार गुन्हा दाखल करण्यात आला आहे. हि घटना जुन ते ऑगस्ट 2021 दरम्यान ही घटना घडली. पोलिसांनी दिलेल्या माहितीनुसार, फिर्यादी महिला या उच्चशिक्षीत आहेत. या महिलेची डेटींग ऍपवरून अजय नाथन नावाच्या व्यक्तीशी ओळख झाली होती. त्यावेळी नाथन याने फिर्यादीस तो जर्मनीमध्ये स्थायिक असून डॉक्‍टर असल्याची बतावणी केली होती. त्यानंतर दोघांमध्ये समाजमाध्यमाद्वारे चॅटींग सुरू झाले. त्यानंतर त्याने महिलेस लग्न करण्याचे आमिष दाखविले. त्यानंतर तो लग्न करण्यासाठी दोन लाख अमेरीकन डॉलर घेऊन दिल्ली येथे आला असल्याचे त्याने महिलेस सांगितले.

हेही वाचा: पुणे : एकतर्फी प्रेमातून अल्पवयीन मुलीचा खुन करणाऱ्या आरोपीस जन्मठेप

परंतु, परदेशी चलन असल्याने त्यास सीमाशुल्क विभागाच्या अधिकाऱ्यांनी अडविले असून चेक क्‍लेअर करण्यासाठी पैशांची गरज असल्याचे त्याने महिलेस सांगितले. त्यानुसार, महिलेने त्यास काही पैसे पाठविले. त्यानंतर त्याने विविध प्रकारची कारणे सांगून महिलेकडून सात लाख आठ हजार रुपये घेतले. महिलेस आपली फसवणूक होत असल्याचे निदर्शनास आले, त्यानंतर त्यांनी प्रारंभी सायबर पोलिसांकडे तक्रार दिली होती. त्यांनी चौकशी केल्यानंतर येरवडा पोलिस ठाण्यात गुन्हा दाखल झाला आहे.

अशी घ्या काळजी

- अनोळखी व्यक्तींशी आर्थिक व्यवहार करु नका

- फेसबुकवर अनोळखी व्यक्तींच्या "फ्रेंड रिक्वेस्ट' स्विकारू नका

- समाजमाध्यमांवर अनोळखी व्यक्तींशी मैत्री वाढविताना पुरेशी काळजी घ्या

- परिचीत नसलेल्यांशी व्हॉटसअप कॉलींगद्वारे संवाद साधू नका

- सोशल मीडियावर वैयक्तीक व गोपनीय माहिती ठेवण्याचे टाळा

- वैयक्तीक, कुटुंबांचे व्हिडीओ, छायाचित्रे सोशल मीडियावर ठेवू नका

- चुकीचे घडत असल्यास कुटुंबातील व्यक्ती, मित्र-मैत्रीणी किंवा पोलिसांशी संवाद साधा

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top