उपमुख्यमंत्री अजित पवार यांना सर्टिफिकेट ऑफ कमिटमेंट

बारामती : राज्यातील कोरोना रुग्णांसाठी केलेल्या कामांची दखल घेत लंडनस्थित वर्ल्ड बुक ऑफ रेकॉर्ड्स कड़ून उपमुख्यमंत्री अजित पवार यांना सर्टिफिकेट ऑफ कमिटमेंट पुरस्कार देऊन गौरव करण्यात आला.

वर्ल्ड बुक ऑफ रेकॉर्डसचे (यूरोप) अध्यक्ष विल्यम जेजलर यांच्या मार्गदर्शनाख़ाली जगभरात 70 देशामध्ये कोरोनामुक्तीसाठी जनजागृती केली जात आहे. कोरोनामुक्तीसाठी कार्य करण्यासाठी प्रेरणा व प्रोत्साहन देण्याच्या उद्देशाने या संस्थेच्या वतीने व्यक्ती व संस्थांना सन्मानित केले जाते.

उपमुख्यमंत्री अजित पवार यांनी कोरोनाच्या पार्श्वभूमीवर घेतलेले धडाडीचे व झटपट निर्णय , वैदयकीय सुविधा प्राप्त करून देण्यासाठी केलेले कार्य, कोरोनामुक्तीसह रुग्णांचे प्राण वाचण्यासाठी त्यांनी केलेल्या कामांची दखल घेत त्यांना हा पुरस्कार प्रदान केला गेला.

वर्ल्ड बुक ऑफ रेकॉर्डसचे राष्ट्रीय सचिव डॉ. दीपक हरके यांनी उपमुख्यमंत्री अजित पवार यांना मंत्रालयात हा पुरस्कार प्रदान केला गेला.