कोरोनाचे संकट दूर व्हावे यासाठी दगडूशेठ गणपतीसमोर धार्मिक कार्यक्रम

पुणे : कोरोनाचे संकट दूर व्हावे यासाठी श्रीमंत दगडूशेठ गणपतीसमोर आज सुदर्शन यागाने विविध धार्मिक कार्यक्रमांना प्रारंभ झाला. भगवान विष्णूंच्या यागाद्वारे जनकल्याणार्थ प्रार्थना करण्यात आली.

पुण्याच्या बातम्या वाचण्यासाठी येथे ► क्लिक करा

श्रीमंत दगडूशेठ हलवाई सार्वजनिक गणपती ट्रस्टतर्फे मंदिरामध्ये यज्ञ-याग व चार वेदांच्या संहितेचे पठण आयोजित केले आहे. ग्वेद, यर्जुवेद, सामवेद आणि अथर्ववेद या चार वेदांच्या संहिता पारायणासह यज्ञ-यागासारखे धार्मिक कार्यक्रम ब्रह्मवृंदाच्या उपस्थितीत सुरु आहेत.

दरम्यान, त्यापैकी सुदर्शन याग वेदमूर्ती नटराज शास्त्री यांच्या पौरोहित्याखाली झाला. ट्रस्टचे अध्यक्ष अशोक गोडसे म्हणाले, सध्याच्या काळात विष्णू प्रधान स्वरूपानुसार यास पुरुषोत्तम मास असे म्हणतात. या काळात विष्णू स्मरण, पूजन, रूप विविध पवित्र्य कार्यास सर्वत्र प्राधान्य दिलेले पहावयास मिळते.

ताज्या बातम्यांसाठी डाऊनलोड करा ई-सकाळचे ऍप

मंदिरामध्ये ब्रह्मवृंदांच्या उपस्थितीत ग्वेदातील मंत्रांचे, यर्जुवेदातील मंत्रांचे, सामवेदातील मंत्रांचे आणि अथर्ववेदातील मंत्रांचे असे चार वेदांचे संहिता पारायण सुरु झाले आहे. मंदिर बंद असून ट्रस्टच्या वेबसाईट, ऍप, फेसबुक, यू ट्यूब, ट्‌विटर या माध्यमांद्वारे www.dagdushethganpati.com, http://bit.ly/Dagdusheth-Live, iOS : http://bit.ly/Dagdusheth_iphone_App Android: http://bit.ly/ Dagdusheth _ Android_App या लिंकवरुन भक्तांना या उपक्रमात सहभागी होता होईल.